Малын дотор мах боловсруулах төрөлжсөн үйлдвэр
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : Инновацийн төсөл
Хугацаа: 2012-2014
Санхүүжилт: 80000.00 мян.төг
Түлхүүр үг : үхэр, хонь, ямаа, дапвар түүхий эд, тоног төхөөрөмж, технологи
Үр дүн
1. "САМО" институтийн харьяа "Хангайн хүнс" мах эхлэн боловсруулах үйлдвэрийн байранд өргөтгөл хийж лаборатори, технологич, ажилчдын хувцас солих байр, ариун цэврийн өрөө бүхий оффисын барилга барьж, дотор мах, дайвар түүхий эд хадгалах хөргөлтийг өргөтгөн засварлав. Мөн түүнчлэн салслаг дотор эрхтнүүдийг боловсруулах зориулалтын центрифуг бусад дагалдах тоноглолоор хангаж, үхрийн гүзээг цэвэрлэж, зумлан цагаан гүзээ бэлтгэх технологийг үйлдвэрлэлд нэвтрүүлсэн.
2. Дотор мах, дайвар түүхий эдийг терөлжүүлэн, анхан шатны цэвэрлэгээ, боловсруулалт хийхэд шаардлагатай тоног хэрэгслэл, цэвэрлэж анхан шатны боловсруулалт хийсэн дотор мах, дайвар түүхий эдийг нэр төрлөөр нь тус тусад нь блоклон бэлтгэж хөлдөөхөд шаардлагатай сав, боодол, зориулалтын тавиур тоноглолтой болгов.
3. Эрдэнэ хүнс" үйлдвэрт малын дотор мах, дайвар түүхий эдэд цэвэрлэгээ, анхан шатны боловсруулалт хийж блоклон хөлдөөх түүхий эдийн зориулалтаар бэлтгэх байр талбай, технологийн тоног төхөөрөмж, багаж хэрэгслэлээр хангав.
4. Төслийн хугацаанд 2012 онд "САМО МАХ" үйлдвэрийн барилгад нэмэлт байгууламж барьж, дотор мах, дайвар түүхий эдийг хөлдөөн хадгалах зориулалтын 100 тонны багтаамж бүхий 2 зоорийг ашглалтанд оруулсан.
2013, 2014 онуудад мах, дотор махан дулааны боловсруулалттай нөөшилсөн бүтээгдэхүүнийүйлдвэрлэх зорилгоор "САМОМАХ" үйлдвэрийн барилгад нэмэлт засвар, тохижилтыг (технологийн урсгалын дагуу шилэн хаалтууд босгох, агааржуулалтын хоолой суурилуулах, хана плитадах, тааз, шал зориулалтын будгаар будах г.м) хийж гүйцэтгэв. Уурын холболт хийлгэхтэй холбоогдсон уурын хоолой, хаалт, агууржуулалтын систем, нанометр зэрэг багаж хэрэгслүүд худалдан авч, тохижуулан үхрийн махаар болон дотор махаар нөөшилсөн бүтээгдэхүүн үйлдвэрлэх технологийн туршилтыг хийж, үхрийн махан нөөшийг ОХУ-руу экспортлож эхлэв.
5. Дотор мах, дайвар түүхий эд боловсруулах үйлдвэрт нэвтрүүлэх үйлдвэрлэлийн зохистой дадал, дотор мах, дайвар түүхий эд боловсруулах үйлдвэрт нэвтрүүлэх эрүүл ахуйн зохистой дадал гарын авлага боловсруулан үйл ажиллагаандаа мөрдөн ажиллахад бэлэн болгоод байна.
6. Технологийн туршилтуудыг гүйцэтгэж дэлүү, элэг, уушги, гүзээний хатаасан бэлдмэл, холимог бэлдмэл "Эрдэс-2" зэрэг нунтаг бүтээгдэхүүн, амталсан гүзээний хатаамаг зэрэг шинэ бүтээгдэхүүний технологийн баримт бичгийг иж бүрэн боловсруулж, зарим технологийг үйлдвэрлэлд нэвтрүүлж байна.