Салбар : Нийгмийн шинжлэх ухаан
Төслийн дугаар :
Төслийн төрөл : Инновацийн төсөл
Хугацаа: 2018-2020
Санхүүжилт: 83,000.0 мян.төг
Түлхүүр үг : шинжлэх ухааны толь, түлхүүр нэр томьёо, цахим тайлбар толь
Үр дүн
Хүн бүхэн дэлхийн хаанаас ч нээлттэй ашиглах боломжтой шинжлэх ухааны түлхүүр нэр томьёоны тайлбар толийг шинжлэх ухааны 12551 нэр томьёоны хүрээнд http://dict.ac.mn/ олны хүртээл болголоо.
Тус нээлттэй толь бичгийг цахим орчинд нээлттэй, үнэ төлбөргүйгээр ашиглаж хэрэглэснээр:
- Мэдээллийн зууны хөгжилтэй уялдан үүссэн, үүсэж буй шинжлэх ухааны салбарын үндсэн ойлголт ухагдахууныг монгол хэлэнд орчуулсан оноолт, тухайн нэр томьёоны тодорхойлолтыг богино хугацаанд цаг алдалгүй, хүссэн газраасаа авч, шинжлэх ухааны үндэслэлтэй хэлний баримтаар мэдлэгээ тэлэх;
- Шинжлэх ухааны түлхүүр нэр томьёог иргэд болон судлаачид нэгдсэн нэг ойлголт, ухагдахуунаар ойлгож, шинжлэх ухааны үндэслэлтэй зөв мэдээлэлтэй болсноор шинжлэх ухааны ололт нээлтийн талаар хүн бүр тэгш хүртээмжтэй, бодит мэдлэг эзэмших боломж бүрдэх;
- Эзэмшсэн дээрх мэдлэгтээ үндэслэн иргэд судалгааны үр дүнг амьдрал ахуйдаа зүй зохистой, зөв хэрэглэх дадал, чадвартай болох;
- Англи хэлнээс орж ирсэн нэр томьёоны кирилл болон монгол бичгийн зөв бичих зүйн шаардлага хангасан бичлэгийг тогтоон хэвшүүлэх;
- Хэрэглэгчид мэргэжил, мэргэшилтэйгээ холбоотой шинэ нэр томьёогоор нэр томьёоны тайлбар толийг баяжуулах;
- Хэрэглэгчид өөрт тулгарч буй нэр томьёоны оноолт, тодорхойлолтын талаарх санал хүсэлтээ цахим шуудангаар илгээх;
- Хэрэглэгчдийн санал хүсэлт, эрэлт хэрэгцээнд тулгуурлан нэр томьёо боловсруулагчид тайлбар толио өргөтгөн баяжуулах, хэрэглэгчдийн хүсэлтэд хариу өгөх;
- Нэр томьёо боловсруулагчид толио байнга баяжуулан, тасралтгүй өргөтгөх ажлыг өдөр бүр байнга хийх нөхцөл бүрдэх;
- Нийгэм эдийн засгийн холбоотой тулгамдсан олон нэр томьёог журамлах;
- Ерөнхий боловсролын дунд сургуулийн нэр томьёог шинжлэх ухааны үндэслэл, тогтолцоотой тогтоох, сургах үндсэн чиг баримжаа буй болох;
- “Шинжлэх ухааны түлхүүр нэр томьёоны тайлбар толь”-ийн боловсруулалт, программ хангамждаа суурилан “Монгол үндэсний нэр томьёоны нэгдсэн сан”-г үүсгэх суурь нөхцөл бүрдэх;
- Олон улстай нэр томьёоны боловсруулалтад хамтран ажиллах нөхцөл бүрдсэн юм.