Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : Докторын дараах инноваци
Хугацаа: 2011-2012
Санхүүжилт: 10,000.0 мян.төг
Түлхүүр үг : Трихомониаз, Trichomonas vaginalis, оношлогоо, T.vaginalis-ийн цэвэр өсгөвөр, T.vaginalis-ийн E650-1 ген
Үр дүн
1. T.vaginalis-ийг эрдэм шинжилгээний ажлын зориулалтаар өсгөвөрлөх FW тэжээлт орчин бэлтгэв.
2. T.vaginalis-ийг 95-аас доошгүй хувь илрүүлдэг өсгөвөрийн арга ХӨСҮТ-ийн Улаан тууз эмнэлэгийн өдөр тутмын оношлогоонд хэрэглэгдэж байна.
3. T.vaginalis илрүүлэх өсгөвөрлөх аргын шинжилгээ эерэг гарсан тохиолдол бүрийг эрдэм шинжилгээний ажлын зориулалтаар FW тэжээлт орчинд дахин өсгөвөрлөв. FW тэжээлт орчин бохирлогдсон тохиолдол бүрд нян, мөөгөнцрийн өсөлтийг дарангуйлан T.vaginalis-ийн цэвэр өсгөвөр бэлтгэв.
Судалгааны үр дүнг оюуны өмчийн газарт хянуулж, зохиогчийн эрхийн гэрчилгээ (бүртгэлийн дугаар 4890, шинэ бүтээлийн патент (бүртгэлийн дугаар 3799) тус тус авав.
4. T.vaginalis-ийн 8 цэвэр өсгөвөр дэх (TvMGL1, 2, 5, 6, 25, 26, 27, 28) трофозоитын T.v-E650-1 генийн нуклеотидын дэс дараалалыг БНСУ-ын “Daejeon Solgent Co.Ltd.,” компани тодорхойлов. Дээрх өсгөвөрүүд дэх T.vaginalis-ийн трофозоитын E650-1 генийн нуклеотидын дэс дараалал бүгд ижил байсан ба тэдгээрийг Солонгос хүнд халдварласан T.vaginalis-ийн ижил гентэй харьцуулан судлахад мөн ижил нуклеотидуудаас тогтдог болох нь тодорхойлогдсон учраас Дэлхийн “Gen bank”-д бүртгэгдэх боломжгүй болов.