Газарзүйн мэдээллийн нэгдсэн сан
Салбар : Байгалийн шинжлэх ухаан
Төслийн дугаар : 038
Төслийн төрөл : ШУТ төсөл
Хугацаа: 2004-2006
Санхүүжилт: 40329000 мян.төг
Түлхүүр үг : Газарзүйн мэдээллийн систем, мэдээллийн сан, өгөгдөл, давхарга, газрын гадарга, сансраас авсан гэрэл зураг, радарын тоон мэдээ, SuperMap Object, хөрс, ургамалжил, гадаргын ус.
Үр дүн
1. Монгол улсын байрзүйн М1:100 000, М1:500 000, М1:1000 000 масштабтай зургийг файл хэлбэрт шилжүүлэн, газарзүйн холболт хийж архивлав. (26Gb). / Энэхүү байрзүйн суурин дээр аймаг, сум, багийн хил, төв суурин, хот, зам харилцааг тоон хэлбэрээр оруулж орон зайн үндсэн мэдээлэл бий болгосон (3.5Gb)/
2. Монгол улсын аймаг, сум, багаар бүх хүн ам, өрхийн тоо, нэн ядуу, ядуу, чинээлэг амьжиргаатай өрх, бичиг үсэг үл мэдэгсдийн тоо, нэр, сургууль завсардсан хүүхдийн тоо, шалтгаан, төсвийн зарлага, татварын ба татварын бус орлого, малын тоо, үйлдвэрлэсэн бүтээгдэхүүний хэмжээ (аймаг, сум, багаар) зэрэг нийгэм-эдийн засгийн мэдээллийг Газарзүйн Мэдээллийн Системд оруулан өгөгдлийн бааз үүсгэсэн (2Gb).
3. Сүхбаатар, Булган, Дундговь аймгуудын бүх сум, багуудын малчдын 4 улирлын байршилт, бэлчээр ашиглалт, усан хангамж, хадлан, тариалангийн талбай, нийгэм-эдийн засгийн бусад объект зэргийг (М1:100 000) Газарзүйн Мэдээллийн Системд оруулсан (16Gb).
4. Монгол орны газарзүйн суурь зураг нь бүх элементүүдийг (М1:100 000) тоон хэлбэрт шилжүүлэн мэдээллийн санг бий болгов. Үүнд: гадаргын ижил өндрийн шугам, гол мөрний сүлжээ, аймаг, сум, багийн хил, төв суурин газрууд (байнгын оршин суугчид бүхий багийн төв)-ыг тэмдэглэн тоон хэлбэрт оруулсан.
5. Ургамалжилтыг (М1:1000 000), ойн тархац нөөцийн (М1:1000 000), байгалийн бүс бүслүүр бүрийн (М1:2000 000), газар ашиглалтын (М1:1000 000), хөрсний (М1:1000000), цаг уурын үндсэн элементүүдийн (М1:3000000) зургуудад тулгуурлан Газарзүйн Мэдээллийн Систем бий болгож цаашид нарийвчилсан мэдээллээр баяжуулж байна.
6. Булган, Дундговь, Сүхбаатар аймгуудын бэлчээр, газар ашиглалтын байдал, зохистой ашиглалтын бүсүүд, технологийн зөвлөмж боловсруулах гэсэн
бүтээгдэхүүнийг бий болгох гэрээний дагуу тус аймгуудын бүх сумын нутагт хээрийн судалгаа хийв.
7. Газарзүйн Мэдээллийн Системд оруулсан төрөл бүрийн давхаргыг ашиглан дүн шинжилгээ хийж Монгол улсын засаг захиргаа нутаг дэвсгэрийн нэгжийн хуваарийг шинэчлэх төслийг боловсруулж Засгийн Газарт өргөн бариад байна.
8. Газарзүйн Мэдээллийн Системд оруулсан өгөгдөл, үүсгэсэн давхарга (сэдэвчилсэн зургууд), мэдээллийн санг хэвлэж үзүүлэхэд хүндрэлтэй тул CD, DVD-дээр бичиж захиалагчид хүлээлгэн өгөв.