Тамсагбулагийн ордын нефтийн хими-технологийн судалгаа
Салбар : Инженерийн ухаан, технологи
Төслийн дугаар :
Төслийн төрөл : ШУТ төсөл
Хугацаа: 1998-2000
Санхүүжилт: 6919.6 мян.төг
Түлхүүр үг : дизелийн дистилят, бензин, алканциклоалкан, цооног, фракц, парафин, шинж төлөв
Үр дүн
1. Тамсагбулагийн нефтийн физик-химийн үзүүлэлтийг судалж, 19-р тавцангийн 3-р цооногийн дээжийн нэрлэгийн дүнгээр түүн дэх 200 С-ийн температур хүртэл буцлах фракцын агууламж 11% орчим, 300 С хүртэл буцлах фракцийн агууламж 30 орчим хувь байгааг тогтоож, улмаар Зүүнбаянгийн нефтьтэй харьцуулбал Тамсагбулагийн ордын нефть тунгалаг фракцын агууламжаар 7% орчим өндөр, хөнгөвтөр нефть болохыг тогтоож, хүхэр багатай, найрлагандаа парафины эгнээний нүүрсустөрөгчдийн агууламж давамгайлсан нефть гэж үнэлэв
2. Тамсагбулагийн нефтьд 360 С-ээс дээш температурт буцлах мазутын агууламж өндөр жингийн 65,42% байна.
3. Бензиний дистилят дахь үнэрт нүүрсустөрөгчдийн агууламж Тамсагбулагийн нефтьд бага байгаа нь шууд нэрлэгийн бензиний октаны тоо бага гэсэн үзүүлэлт бөгөөд бензин нэрэх тохиолдолд чанар сайжруулагч МФА-1, дөрвөн этилт хар тугалаг зэргийг ашиглах хэрэгтэй гэж үзлээ. Мөн энэ тохиолдолд бензиний дистилятыг нэмэлт боловсруулалтанд оруулах риформинг байгууламжийг үйлдвэрийн технологийн схемд оруулах шаардлагатай гэж үзлээ.
4. Уг нефть дэх парафины нүүрсустөрөгчдийн хэмжээ их тул зөвхөн зуны дизелийн түлш боловсруулах нь боломжтой гэж үзлээ
5. Нефть үйлдвэрлэлийн технологийн шугаманд нефтийг усгүйжүүлэх, шууд нэрлэгийн байгууламж, хүхэргүйжүүлэх байгууламж, чанар сайжруулагч нэмэлттэй холих байгууламж байлгах нь зүйтэй
6. Багануур ба Чойбалсанд нефть боловсруулах үйлдвэрийн техник-эдийн засгийн тооцоог хийсэн.