Энэхүү бүтээлд нэр томъёо судлал гэдэг хэл шинжлэлийн биеэ даасан шинэ салбар ухаан, Орос, Монгол оронд хэрхэн үүсч хөгжсөн, нэр томъёо нь үгийн сангийн чухам ямар нэгж болохыг дэлгэрэнгүй авч үзсэн. Мөн түүнчлэн нэр томъёог олон утгат болон ганц утгат нэр, ижил нэр, ойролцоо нэр, эсрэг нэрээр тэмдэглэдэг учир шалтгаан, хэлний ба хэлний бус хүчин зүйлийг тодорхой тоон үзүүлэлтэд үндэслэн үзүүлэв. Эцэст нь Орос, монгол хэлэнд нэр томъёо бүтээж байгаа утга зүй, үгзүй, өгүүлбэрзүйн аргыг бүтэц-утгазүйн түвшинд нарийвчлэн задлан шинжилсэн болно.