Хөшигийн хөндийн инженер геологийн нөхцөл ба неогений хурдасны норматив үзүүлэлтийн судалгаа
Салбар : Инженерийн ухаан, технологи , 2.11 Бусад инженерчлэл, технологи
Улсын дугаар : 4533
Хамгаалсан он : 2023
Түлхүүр үг : далбаат прессиометр, шаварлаг хөрсний хэв гажилтын модуль, том хэмхдэст хөрсний бат бөхийн үзүүлэлт, хөөлттэй хөрс,
Аннотаци
Хөшигийн хөндийн нутаг дэвсгэрт шаварлаг чигжээстэй, төрөл бүрийн гарал үүсэл, насны зөрөөтэй, онцгой шинж чанар бүхий шаварлаг ул хөрс өргөн тархсан талбайд орчин үеийн өндөр технологийн нарийн мэдрэмжтэй тоног төхөөрөмж бүхий Олон улсын нисэх буудал, Шинэ Зуунмод хот, тээвэр ложистикийн төв барихаар төлөвлөсөнтэй холбогдуулан барилга байгууламжийн зураг төсөл боловсруулахад шаардлагатай геологи орчин, инженер-геологийн чиглэлээр олон төрлийн тоон үзүүлэлтийн нарийвчилсан судалгааг хийх шаардлага тавигдсан. Дээрх барилга, байгууламжийн талбайд буурь суурийн тооцоонд хамрах хүрээнд неогений хурдас өргөн тархсан бөгөөд харьцангуй бага судлагдсан байсан юм. Неогений настай том хэмхдэст шаварлаг ул хөрсний физик, механик шинж чанарын харилцан холбоог тогтооход чиглэсэн судалгааны ажил нь шинжлэх ухаан, практикийн ач холбогдолтой төдийгүй ямар ч инженерийн барилга байгууламж төлөвлөх боломжийг олгох юм.
Зорилго: Хөшигийн хөндийн инженер-геологийн нөхцөлийн зүй тогтолыг илрүүлж, түүний онцлог бүрэлдэхүүн болох неогений настай том хэмхдэст шаварлаг ул хөрсний инженер-геологийн физик-механик үзүүлэлтийн норматив боловсруулна.
Зохиогч
Боловсролын доктор(PhD)
Бүтээлийн тоо : 25
Ишлэгдсэн тоо : 0
