Эдийн засгийн өсөлт
Салбар : Нийгмийн шинжлэх ухаан
Төслийн дугаар : 1700901
Төслийн төрөл : Сэдэвт ажил
Хугацаа: 2005-2007
Санхүүжилт: 12,000.0 мян.төг
Түлхүүр үг : хүмүүн капитал, эконометрик загвар, үнэлгээ, хувьчлал, либералчлал, интеграцчилал, глобальчлал, шилжилт, эдийн засгийн эрх чөлөө
Үр дүн
Судалгааны үр дүнд онолын судалгааны хувьд эдийн засгийн өсөлт, тогтворжуулах бодлогын хамаарлыг үнэлэх боломж бүхий онолын загвар боловсруулсан. Харин эмпирик судалгааны хувьд эдийн засгийн өсөлтөнд тогтворжуулах бодлогын үзүүлэх нөлөөг хэмжих, эдийн засгийн өсөлтөнд шокуудын үзүүлэх нөлөөг хэмжих үнэлгээний аргачлалыг боловсруулсан.
Судалгааны ажлаас дараах дүгнэлтүүд гарсан. Үүнд:
Энэхүү судалгааны ажил нь эдийн засгийн өсөлт, тогтворжуулах бодлогын хамаарлын онолын болоод эмпирик судалгааны арга зүй, аргачлалыг боловсруулж Монгол Улсын шилжилтийн эдийн засгийн практикт хэрэглэх анхны оролдлого болсон.
Онолын судалгааны хүрээнд загвар боловсруулан эдийн засгийн өсөлтөнд тогтворжуулах бодлогын үзүүлэх нөлөөг авч үзсэн. Энэхүү загварчлалын ажлыг цаашид үргэлжлүүлэн макро эдийн засгийн хэлбэлзлийн нөлөөллийг судлах, онолын тавилыг бодит байдалтай харьцуулах замаар тогтворжуулах бодлогын нөлөөг судлах боломжтой нь харагдсан.
Эмпирик судалгааны хүрээнд эдийн засгийн өсөлтөнд тогтворжуулах бодлогын нөлөөг хэмжих, эдийн засгийн өсөлтөнд шокуудын үзүүлэх нөлөөг хэмжих зорилготой хоёр үнэлгээний ажлыг авч үзсэн. Эмпирик судалгааны ийм арга зүйг цаашдын судалгаанд өргөн ашиглах боломжтой.