Хөрсний морфогенетик шинж, бодсын найрлага, горим, тэдгээрийн өөрчлөлт
Салбар : Байгалийн шинжлэх ухаан
Төслийн дугаар : ГД-38, РД-9107797
Төслийн төрөл : Сэдэвт ажил
Хугацаа: 2002-2004
Санхүүжилт: 30,000.0 мян.төг
Түлхүүр үг : хөрс, хар шороон хөрс, хар хүрэн хөрс, Туул голын хөндийн хөрс,
Үр дүн
1. Монгол орны хөрсний ангилалыг шинэчлэн боловсруулж: Монгол орны хөрсний газар зүй, гарал үүсэл, морфогенетик шинж хөрс үүсвэрийн талаар сүүлийн 40 жилд хийсэн судалгааны ажлын үр дүн.
2. Монгол орны хөрсний 1:1500000 зургийг компьютерийн ARC-VIEW программ ашиглан тоон хэлбэрт (40 МБ) оруулсан компьютерийн эх зураг.
3. Монгол орны ойт-хээр, хуурай хээр, говь, цөлийн бүсийн голлох хөрс болох хар шороон, хүрэн, говийн бор, цөлийн бор саарал (дэд хэвшинж тус бүрээр нь)
хөрсний ус-физикийн шинж чанарыг механик бүрэлдэхүүний ялгаагаар нь дунд ба хөнгөн шавранцар, элсэнцэр, элсэн гэж төрөлжүүлж механик ба
микроагрегатын бүрэлдэхүүн, бүтцийн байдал, эзэлхүүн жин, хувийн жин, сүвэрхэгшилт, хамгийн их гигроскоп чийг, ус нэвтрүүлэх чанар зэрэг үзүүлэлтээр
хөрсний морфологийн тогтоцын онцлогтой нь уялдуулсан тодорхойлолт.
4. Монгол орны зарим (аллювийн хөрс, хүрэн хөрс) хөрсний агрохимийн шинж, шим тэжээлийн элемэнтүүдийн химийн нэгдлийн судалгаа.
5. Туул голын хөндийн хөрсөн бүрхэвч, үндсэн хэв шинжийн хөрсний морфологи, хими-физик шинжийг судалж, хөрсөнд агуулагдах элементийн (Fe,Mn,Cu,Zn,Mo,Co,Pb,V,Cr,Ni,Ti,Sr,Sn) тархалтын онцлог, хөрсний геохимийн үндсэн шинж, хөрсний элементийн дундаж үзүүлэлтүүдийг хөрсний хэв шинж, судалгаа явуулсан орон нутаг тус бүрээр гаргаж харьцуулсан судалгаа.
6. Хот суурин газрын хөрсний бохирдолын судалгаа.
7. Хөвсгөлийн Дархадын хотгорын хөрсний судалгааны дүн.
8. "Салхины нөлөөгөөр тариалангийн хөрс доройтох үйл явц, түүний үр дагавар" сэдэвт судалгаа.
9. "Эхийн голын баян бүрдийн хөрсний давсжилтын найрлага, өөрчлөлт" сэдэвт судалгаа.
10. Монгол орны хүрэн хөрсний тархалт, гарал үүсэл, шинж чанарын талаар судалгааны мэдээ материал тоон үзүүлэлтүүдийг нэгтгэн дүгнэсэн судалгаа.