Байгалийн цеолит
Салбар : Байгалийн шинжлэх ухаан
Төслийн дугаар : 960009
Төслийн төрөл : Сэдэвт ажил
Хугацаа: 2002-2004
Санхүүжилт: 12,975.0 мян.төг
Түлхүүр үг : цеолит, эрдэс, усан хангамж, цемент, материал
Үр дүн
Цагаан цавын цеолитыг 66-96%/ агуулгатай 0.5-0.8 мм-ийн хэмжээтэй нунтаглан дэгдээхэйний тэжээлд эрдэс хольц болгон туршихад туршилтын эцэст хорогдлын хувь хяналтын бүлгийнх 5.45%, 3% цеолит оролцсон 2-р бүлгийнх 1.81%, 5% цеолит оролцсон 3-р бүлгийнх огт хорогдолгүй, 8% цеолит оролцсон 4-р бүлгийнх 3.68% байна. Өөрөөр хэлбэл цеолит 3, 5, 8 хувиар тус тус оролцсон бүлгүүдийн хорогдлын хувь хяналтынхаас бага байгаа нь дэгдээхэйн амьдрах чадварт эерэг нөлөө үзүүлж буй нь батлагдаж байна.
Өндөглөгчийн зааланд шилжих үед 2 бүлгийн дэгдээхэй нь жингээр арай давуу чанараа бататгаж, охин дэгдээхэй 1037 гр буюу бусад бүлгийнхээс 26-ЗЗгр, хяналтынхаас 24 гр-аар, эр дэгдээхэй буюу 1425 гр татаж бусдаасаа 77-85 гр, хяналтынхаас 288 гр-аар тус тус илүү жинтэй байна.
Ийнхүү бидний явуулсан туршилтын материалаас үзэхэд дэгдээхэйн тэжээлийн үндсэн жорд 31 хоногтойгоос эхлэн цеолитыг янз бүрийн хэмжээгээр оролцуулахад бие махбодын ерөнхий байдалд сайнаар нөлөөлж , бодисын солилцоог эрчимжүүлэн биеийн өсөлт хөгжилтийг түргэтгэх хандлагатай байна.
Цеолитыг 5%-иар тэжээлийн жорд оролцуулахад дэгдээхэйн биеийн өсөлт 3 ба 8%-ийн цеолит бүхий тэжээлийн жороор тэжээсэн бүлгийнхээс илүү байна.
Байгалийн цеолитыг дэгдээхэйн тэжээлд эрдэс хольц болгон хэрэглэх ажлыг заалын хэмжээнд туршиж үр дүнг тооцож цаашид үйлдвэрлэлд нэвтрүүлэх нь зүйтэй юм.