Монгол орны хувирмал бүрдлийн геодинамик ба хүдэржилт
Салбар : Байгалийн шинжлэх ухаан
Төслийн дугаар : ¹027
Төслийн төрөл : Сэдэвт ажил
Хугацаа: 2003-2005
Санхүүжилт: 127352 мян.төг
Түлхүүр үг : офиолит, цөм бүрдэл, гранулит, амфиболит, гнейс, геодинамик бичил тив
Үр дүн
1. Монгол орны хувирмал бүрдлийг геодинамик, хүдэржилтэй нь холбон судалж 3 бүлэгтэй, 88 хуудас бичлэгтэй, геологийн 5 зураг, 8 гэрэл зураг хавсаргасан, 118 ном зүйтэй, 80 гаруй төрлийн ашигт малтмалын 32 орд, 286 илрэлийн жагсаалттай, эрдэм шинжилгээний бүтээл тууривав.
2. Монголын нийт нутгийн хувирмал бүрдлийн тархалт, хүдэржилтийн зүй тогтоц, геодинамикийн бүтэц, эртний далайн бүсчилэл, Бухат-Ар хар чулуутын геодинамикийн зургуудыг тус тус шинээр зохиов.
3. Монгол орны хувирмал чулуулгийн судалгааны түүхэн хөгжлийг системчлэн 4 үе болгож, үечлэл бүрийн онцлог, Монголын хувирмал бүрдлийг хувирлын
3 зэрэглэл, тектоникийн 3 мөчлөг, геодинамикийн 12 муж, 5 бичил тив, 4 хувирмал офиолит эвшил, 2 цөм бүрдэл, 37 обьект болгон ялгаж, тус бүрийн
байршил, литологи, геологийн нас, метаморфизм, хүдэржилтийг хувирлын зэргээр нь ангилж зонхилох ашигт малтмал, хүдэржилтийн хэтийн төлвийн үнэлгээг өгөв.
4. Монголын хувирмал бүрдлээс хар занарт Au, Ag, Cu, Zn, Pb-ын хүдэржилт илүү болохыг тогтоож, хувирмал бүрдэлтэй гарал үүслийн холбоотой алт,
мөнгө, холимог металл, хөнгөн цагаан, фосфор, алмааз, бал чулуу, анар, гялтгануур зэрэг голлох ашигт малтмалыг метаморфизмын 3 зэрэглэлээр
ангилж тус бүрийн хүдэржилтийг тодорхойлж, дэлхийн томоохон ордуудтай харьцуулан эрэл хайгуулын ажлын чиглэл, шинжлэх ухааны үндэслэлийг
боловсруулав.
5. Хувирмал бүрдлийн голлох ашигт малтмалаас Au, Ag, давамгайлсан Cu, Zn, Pb-ын хүдэржилтийн Хөвсгөл-Соёны, Баянговийн, Монгол Алтайн колчеданы
хүдрийн бүсийг тус бүр ялгав.