Салбар : Нийгмийн шинжлэх ухаан
Төслийн дугаар : 35
Төслийн төрөл : Сэдэвт ажил
Хугацаа: 2003-2005
Санхүүжилт: 20294749 мян.төг
Түлхүүр үг : аж ахуй, түүх уламжлал, орон сууц, хувцас
Үр дүн
Овог аймгууд угсаатны үйл явцад анхдагч орчин нь болж, угсаатан нэгдэх, задрах үйл явцад тэргүүлэх үүрэг гүйцэтгэж байсныг харуулсан болно. Монгол дахь нүүдэлчдийн овог, аймаг хэмээх бүлгийн бүтэц, бүрэлдэхүүнийг задлан шинжилж, хоорондын ялгааг тодруулан, функцийн ижил ба ялгаатай талыг тодорхойлов. Овог, аймгийн нэрсийн талаар ономастикийн шинжилгээг хийж тэдний олон талын ач холбогдолтойг илрүүлэв.
Судалгааны үндсэн дээр монгол хэлтний нийтлэг үүсэж бүрэлдсэн, салж холдсон он цагийн, үйл явцын зарим тодруулгыг хийсэн болно
Түүхийн эртний үеэс холбоотой байсан хийгээд хожуу дундад зуун хүртэл улс төр, угсаа соёлын талаар холбоотой байсан манж түнгүс, түрэг, монгол хэлтэн ард түмний талаар зарим шинэлэг санаа гаргав.
Төв Азийн нүүдэлчид болон эртний монголчуудын уламжлалт соёл салшгүй холбоотойгоор үүсэн хувьсаж, хөгжлийн олон зуун жилийн замыг туулж өнөөгийн өнгө төрхөө олжээ. Эртний монголчуудын эд, оюуны соёлд хөрш зэргэлдээ нүүдэлчин аймгууд, түүнчлэн Хятад, Дундад Ази зэрэг суурьшмал орны соёлын нөлөө багагүй хэмжээгээр тусгалаа олжээ. Эртний монголчуудын бүтээж ирсэн эд өлөг, оюуны соёл нь өөрийн түүхэн онцлогтой хөгжиж ирснийг тодруулах оролдлого хийлээ.
Төв Ази, монгол нутагт иргэншсэн нүүдэлчин монголчуудын бүтээсэн гэр ахуйн үйлдвэрлэлийн талаар тодруулж, малчин хүний өдөр тутмын үйл ажиллагаа болох мал аж ахуйн бүтээгдэхүүнийг боловсруулан амьдрал ахуйдаа хэрэглэх үйл явцыг гэр зуурын үйлдвэрлэл хэмээн тодорхойллоо. Гэр зуурын үйлдвэрлэлийг дотор нь цагаан идээ болон эсгий хийх, малын арьс шир, үс хялгасыг боловсруулан бүтээгдэхүүн үйлдвэрлэх гэсэн үндсэн хэсгүүдэд хуваан үзэв.
Харин монголчуудын нүүдэл амьдралын гол утга болсон ардын язгуур мэдлэгийг мал аж ахуйгаа хөтлөн явуулах, байгальтай оршин зохицохуй, нутаг бэлчээр сонгох, нүүдэллэн аж төрөхүй зэрэг арга ухааны үүднээс тодотгов.