Хүн ба зарим хөхтөн амьтны бор өөхний морфологийн бүтэц, тосны хүчлийн судалгаа
Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : Сэдэвт ажил
Хугацаа: 2003-2006
Санхүүжилт: 6000000 мян.төг
Түлхүүр үг : ромбо, артери, мэдрэлжүүлэлт, лимфоид эд, тосон түрхлэг, хүн мах
Үр дүн
1. Хүн болон хөхтөн амьтны бор өөхний гол хэсэг нь цээжний өмнөх шүдэлсэн булчин /M.Serratus anterior/ болон далны хуудасны /M.Subscapularis/ завсар байрласан ромбо буюу хааяа дөрвөлжин хэлбэртэй цайвар ягаан өнгөтэй байдаг, цусан хангамж эгмийн доорхи артериас, мэдрэлжүүлэлт мөрний сүлжээнээс эх авсан нь үр хөврөлийн хөгжилтэй холбоотой болох нь тогтоогдлоо.
2. "Эмнэлгийн тусламж үйлчилгээний чанарыг сайжруулъя" сэдэвт эмч нарын онол практикийн бага хурал (2004) зэрэг хурлуудад 3 илтгэл хэлэлцүүлж, дараах бүтээлүүдийг хэвлүүлэв.
3. Бор өөхний гүнд орших лимфоид эдийн бичил судасны тор нь зууван бөмбөлөг байдалтай байна. Хүн ба зарим хөхтөн амьтны бор өөхний тосны хүчлийг судлах явцад тарваганы бор өөхөнд полиены хүчил харьцангуй их /33.11%/ агуулагдаж байгаа нь тогтоогдлоо. Энэ нь тарвага ичдэгтэй холбоотой. Нярай хүүхдийн бор өөхөнд моноены хүчил их байгаа нь /34.27%/ түүнмй хооллолттой холбоотой бөгөөд харин каракуль хурганы бор өөхөнд ханасан хүчил их байгаа нь /45.42%/ түүний бие махбодын дулаан алдалтыг хязгаарласан ноолуурхаг үсэн бүрхүүл ургаж байгаагаар тайлбарлагдана. Бор өөхний эдийн дотор лимфоид эд байгаа нь зөвхөн дулаан зохицуулгын төдийгүй дархлалын үүрэгтэйг харуулж байна. Тиймээс ч тарваганд хамгийн их хуримтлагдсан бор өөх буюу хүн махыг туршлагын амьтны хэвлийн хөндийд тарихад дархлал идэвхжүүлэх болон дархлал зүгшрүүлэх үйлдэлтэй байгаа нь нотлогдлоо.
4. Судалгааны дүнгээс үзвэл эдгэрэлт нь сайн нөлөөтэй байгаа тул "Агшин" тосон түрхлэгийг клиникийн туршилтанд оруулах нь зүйтэй гэж үзэн уг агшин тосон түрхлэгийн найрлага технологийг баталсан болно. "Агшин" эмийн формалинаар нөлөөлсөн хаванд үзүүлэх нөлөөллийг эзэлхүүний аргаар хийж, шүүрдэс хуралдах үед хэрхэн нөлөөлдөгт ажиглалт хийлээ.