Газар хөдлөл
Салбар : Байгалийн шинжлэх ухаан
Төслийн дугаар : 0001
Төслийн төрөл : Сэдэвт ажил
Хугацаа: 2002-2004
Санхүүжилт: 102125900 мян.төг
Түлхүүр үг : газар хөдлөлт, сейсмик долгион, тархалт, замхралт, газар хөдлөлийн аюулын үнэлгээ
Үр дүн
Бүтээлийн нуруунд богино хугацаагаар ажлуулсан Черпаха-М системийн нүүдлийн станцаар хэмжилт хийж, хүчтэй газар хөдлөлтийн дараа уг бүсэнд давталт хөдлөлтийн горим, хүчтэй хөдлөлтийн энергийн бууралтыг нарийвчлан судалсан нь хүчтэй газар хөдлөлтийн голомтын үйл ажиллагаа, түүний механизмыг тайлахад давталт хөдлөлтийг тусгайлсан багажийн нарийвчласан судалгаа хийх нь чухал ач холбогдолтой болохыг баталсан үр дүн гарав.
Говь Алтай, Булнай, Бүсийн гол, Могод, Монгол Алтай зэрэг хүчтэй газар хөдлөлтийн голомтын бүсэнд явагдаж буй сейсмик процессын хугацааны өөрчлөлтийг статистик анализ хийж Паусоны тархалт, болон Фишер, Пирсоны критерээр шалган, газар хөдлөлтийн давталтын графикийн өнцгийн хазайлтыг бүс тус бүрээр нь тооцож, хүчтэй газар хөдлөлтийн төвийн тархалтын онцлогийг тогтоосон болно. Эдгээр судалгааны үр дүнг эрдэм шинжилгээний бага хуралд илтгэл тавьж хэлэлцүүлсэн, хэвлэн нийтлүүлснийг тайланд ишлэл хийж оруулав.
Франц Улсын Байгаль орчныг хянах Департменттай хамтран Оюу толгойн орд газрын талбайн газар хөдлөлийн аюулын үнэлгээний тайлан англи хэл дээр), ОХУ-ын Дэлхийн царцдасын хүрээлэнтэй хамтран Архангай аймгийн Цэцэрлэг сумын нутаг дахь Хар тогоо эртний галт уулын идэвхжилтийг судалсан хээрийн ажлын тайлан, Голомт хотхон орон сууцны цогцолборын талбайн хөрсний инженер сейсмологийн нөхцлийн үнэлгээний тайлан, 1000 айлын орон сууц цогцолборын талбайн хөрсний инженер сейсмологийн нөхцлийн үнэлгээний тайлан зэрэг гэрээт ажлыг гүйцэтгэж үйлдвэрлэлд шилжүүлэв. Мөн Барилга байгууламжийн инженерийн судалгааны нийтлэг үндэслэлд БНбД 11-07-04-д Инженер сейсмологийн судалгаа бүлгийг нэмэлт болгон оруулсан нь хот суурин, томоохон үйлдвэрийн талбайд газар хөдлөлийн аюулын үнэлгээ хийх ажлыг хууль эрхийн баталгаатай болгосон юм.