Эпилепсийн тархалт, шалтгаан-нөлөөлөх хүчин зүйлс, эмнэлзүйн хэлбэрүүд, эмчилгээ-хяналт, ЭЭГ шинжилгээний холбогдол
Салбар : Анагаах ухаан, эрүүл мэндийн шинжлэх ухаан
Төслийн дугаар : 004
Төслийн төрөл : Сэдэвт ажил
Хугацаа: 2000-2003
Санхүүжилт: мян.төг
Түлхүүр үг : үзлэг, давтамж, өвчтөн, компьютер томографи, пневмоэнцефалографи, хүндрэл
Үр дүн
1. Эпилепсийн тархалтын судалгааг УБ хотын СХД, БГД, ХУД-ийн 5-аас дээш насны нийт 283384/эр-137429, эм-145955/ хүн амыг айлаас айлд орж үзлэг хийх аргаар явуулан эпилепсийн тархалтын давтамжийг насны 13 бүлгээр, хүйсний ялгаагаар /1000 хүн амд ногдох/ гаргасан.
2. Эпилепсийн эмнэл зүй, шалтгаан - нөлөөлөх хүчин зүйлсийн судалгааг харьцангуй бүрэн шинжлэгдсэн эпилепситэй 200 өвчтөнд судлав. Эдгээрийг судлахдаа эхийн жирэмсний явц, хүндрэл, төрөлт, нярайн үеийн эрүүл мэнд, өвчилсөн өвчин, осол гэмтэл гэх мэтийг асуумжийн аргаар тодотгов. Тархины эдийн бүтцийн өөрчлөлт байгаа эсэхийг тодруулахын тулд компьютер томографийг 81 өвчтөнд, пневмоэнцефалографийн шинжилгээг 14 өвчтөнд тус тус хийсэн.
3. Энэхүү судалгааны ажлын дүнг эпилепситэй өвчтөний тархалтын түвшинг цаашид хянах, эпилепситэй өвчтөнүүдэд үзүүлэх эмнэлгийн тусламжийн зохион байгуулалт, хөрөнгийн төсвийн төлөвлөлт, уг өвчнөөс урьдчилан сэргийлэх зэрэгт үндэслэл болон ашиглагдах боломжтой юм.