Биотехнологийн аргаар зарим ургамлын нөөцийг нэмэгдүүлэх боломж
Салбар : Байгалийн шинжлэх ухаан
Төслийн дугаар : 013
Төслийн төрөл : Сэдэвт ажил
Хугацаа: 2005-2007
Санхүүжилт: 30,000.0 мян.төг
Түлхүүр үг : бичил үржүүлэг, бичил ургамал, каппус
Үр дүн
1. Чихэр өвсний /Glycyrrhiza uaralensis Fisch.,/ үрийн тал, үндэсний эксплантаас эсийн биомасс хөгжүүлэхэд 0.1 мг/л кинетин, 1.0 мг/л 2,4-дихлорфеноксицууны хүчил нэмсэн, 2% сахарозтай Гамбургийн B5 тэжээлийн орчин нь хамгийн тохиромжтой болохыг тогтоов.
2. Эгэл өмхий өвсний үрийн талаас 10мг/л гиббереллин, 1 мг/л 2,4-Д, 0,1мг/л кинетинтэй Гамбургийн В5 тэжээлийн орчинд сэвсгэр, усархаг цайвар шар каллус хөгжих нь бусад хувилбараас илүү байгааг илрүүлсэн.
3. Эгэл өмхий өвсний in vitro-д ургуулсан цухуйцыг 2 дахин шингэрүүлсэн Мурасиге-Скугийн тэжээлийн орчинд өсгөвөрлөхөд зургаан долоо хоногийн дараа 7.5 см өндөр, 10 навчтай үндэслэсэн бичил ургамал хөгжих нь хугацаанаас хамаарч буйг үзүүлсэн. Эдгээр ургамлыг цаашид ex vitro-нөхцөлд шилжүүлэхэд ургах боломжтой байлаа.
4. Ягаан Акацийг /Robinia pseudoacacia sp.,/ клоны бичил үржүүлгийн аргаар үржүүлж in vitro-д нахиа хөгжүүлэхэд BTM тэжээлийн орчин нь хамгийн тохиромжтой хэдий ч өндөр өртөгтэй учир МС тэжээлийн орчныг сонгон авч хэрэглэсэн нь үр дүнтэй байлаа.
5. in vitro-д өсгөвөрлөсөн модлог ургамлын дээж Robinia Pseudoacacia sp.-ийн бичил ургамлыг нэг жилийн хугацаанд лабораторид in vitro нөхцөлд амжилттай өсгөвөрлөж, 20.000 гаруй бичил ургамлыг клоны бичил үржүүлгийн аргаар олшруулан үржүүлсэн.
6. Өсгөврийн өрөө 280С дулаантай, 6.000~8.000 люкс гэрлийн эрчимтэй байх нь нахиаг үндэслүүлэхэд хамгийн тохиромжтой төдийгүй гэрлийн эрчим нь in vitro-д ургуулж буй бичил ургамлын өсөлт хөгжилт цаашид акклиматизаци хийхэд чухал хүчин зүйл болох нь бидний судалгааны явцаас харагдаж байна.