Шавьжид эмгэг төрүүлэгч болон антагонист үйлчилгээтэй бичил биетний нутгийн омгийн судалгаа, ургамал хамгаалалд хэрэглэх боломж
Салбар : Хөдөө аж ахуйн (ХАА) шинжлэх ухаан
Төслийн дугаар : 007
Төслийн төрөл : Сэдэвт ажил
Хугацаа: 2005-2007
Санхүүжилт: 21000000 мян.төг
Түлхүүр үг : омог, нутгийн өсгөвөр, эндо, экзотоксин, B.subtilis, мөөгөнцөр
Үр дүн
1. B.subtilis-ийн хэв шинжит 16 өсгөврийн хэлбэр зүй, өсгөвөржилт, будагдалт, физиологи болон биохимийн шинжүүдийг тодорхойлон 6 өсгөвөр омгийг цаашдын судалгаандаа сонголоо. B.subtilis-ийн нутгийн өсгөвөрийн антагонист шинжийг төмсний тарималд өвчин үүсгэгч фузиорозын төрлийн мөөгөнцөрт турших судалгааны ажил үргэлжлэн хийгдэж байна. Шавьжид эмгэг төрүүлэгч Bacillus thuringiensis –ийн нутгийн омгийн хоруу уургийг SDS-PAGE урвалаар шалгахад нутгийн омгуудад GxDA -120kDA-ны хооронд 6-7 уургийн толбо илэрч байна.
2. Байгалийн нөхцөлд халдварлаж үхсэн царцаанаас Beauveria bassiana төрлийн мөөгөнцөр илрүүлэн тодорхойлов. Beauveria bassiana төрлийн мөөгөнцөрийг нарийвчлан судалж бэлчээр ойн хөнөөлт шавьжтай тэмцэх судалгааны ажил үргэлжлэн хийгдэнэ .
3. Сибирийн- /Aeropus sibiricus/, Тоонолжит /Pararcyptera microptera/ царцаатай Green Musсle IMI-330189, буюу Metarhizum anisopliae –мөөгөнцрийг 100 г/га тунгаар тэмцэх арга ажиллагаанд хэрэглэхэд 21-28 хоногтоо 88.3-96.8%-ийн үр дүнтэй байгааг Монгол орны нөхцөлд шинээр тодорхойлон тогтоов.
4. Bacillus thuringiensis var.berliner хувилбарт хамаарагдах нутгийн омгууд нь шингэн тэжээлт орчинд харилцан адилгүй халуунд тэсвэртэй экзотоксин нийлэгжүүлж байгаа бөгөөд экс -27/4-252 омог нь экзотоксин нийлэгжүүлэх идэвхээрээ илүү байна.