Салбар : Байгалийн шинжлэх ухаан
Төслийн дугаар : 41
Төслийн төрөл : Сэдэвт ажил
Хугацаа: 2005-2007
Санхүүжилт: 113012600 мян.төг
Түлхүүр үг : шилмүүст, модлог, мод, сөөг,
Үр дүн
1. Алтайн эрлийз улиасны 22-27 см урттай, 4-5 нахиа байхаар тооцож авсан тайрдас бэлтгэж суулгаснаас хойш 10-14 хоногийн дараа нахиа цухуйж, ургалтын хугацааны өсөлт 50-60 см, ботаникийн цэцэрлэгийн нөхцөлд усалгаа арчилгаатай орчинд хус мод нь жилд дунджаар 40-50 см өсдөг болохыг тогтоов.
2. Тарималшуулж буй мод, сөөг ургамлын ургалтын хугацаа дунджаар 110-129 хоног, өвслөг ургамалд 110-120 хоног үргэлжилдэг болохыг судлан тогтоов.
3. Гоёл чимэглэлийн өвслөг ургамлын тарималжих нутагших 6 баллын үзүүлэлтээр цуглуулгын талбайд тарималшуулж буй өвслөг ургамлаас тогтмол үрлэдэг, үрээр тархаж ургадаг, ургал эрхтнээр үрждэг, ургамлын ерөнхий шинжээр байгалийнхаас давуу ганд тэсвэрлэх, өвөлжилтөнд хорогдолгүй, өвчин хортонд тэсвэртэй зэрэг үзүүлэлтээр 15-18 баллын үнэлгээ авсан 7 овог, 8 төрөл, 23 зүйл Allium altaicum L., A. senescens L., Hemerocallis minor Mill., H. lilio asphodelus L., H. meddendorfii (Trautv.et.Mey) Kitam., Iris bungei Maxim., I. dichotoma Pall., I. flavissima Pall., I. halophila Pall., I. lactea Pall., I. potaninii Ker-Gawl нь тарималших маш ирээдүйтэй, тогтмол үрлэдэггүй, ургал нахиа нь 1-2 ширхэг, байгалийнхтай өсөлт хөгжилтөөр ойролцоо, ганд тэсвэрлэх чадвар дунд зэрэг, өвөлжилтийн хорогдол 3-5 % иас ихгүй өвчин хортонд нэрвэгдэх байдал дунд зэрэг гэсэн үзүүлэлтээр 10-14 баллын үнэлгээ авсан Paeonia anomala L., P. lactiflora Pall., Echinops latifolius Tusch., Achillea asiatica Serg., Lilium pumilium DC., L. martogon L., Rheum undulatum L., Geranium pratense L., Lancea tibetica Hook.f.et Thoms., Tulipa uniflora (L.) Bess. зэрэг 20 овог 28 төрөл 36 зүйлүүд нь ирээдүйтэй үнэлгээгээр үнэлэгдэв.
4. Тарималжуулах нутагшуулах судалгааны дүнд мод, сөөг, өвслөг ургамлын ургалтын хугацаа, улирлын хөгжлийн хэм, өсөлтийн үргэлжлэх хугацаа, цэцэглэлт, үр боловсрох хугацаа, гоёл чимэглэлийн чадавхийг илрүүлснээр цаашид үржүүлэн олшруулах эх материал бий болгов.
5. Тасралтгүй цэцэглэх, чимэглэх онцлогийг илрүүлж, эдгээр ургамлын цуглуулгын талбайг 0,5 га-аар өргөтгөн, үрийн нөөц сантай боллоо.