Монгол орны газрын ховор элементийн технологийн судалгаа
Салбар : Байгалийн шинжлэх ухаан
Төслийн дугаар : 025
Төслийн төрөл : Сэдэвт ажил
Хугацаа: 2005-2007
Санхүүжилт: мян.төг
Түлхүүр үг : эрдэс, чулуулаг, газрын ховор элемент
Үр дүн
1. Юуны өмнө одоогоор олборлон экспортлож байгаа ашигт малтмалын хүдэр баяжмалд шинжилгээ хийн, ГХЭ агуулагдаж байгаа эсэхийг тогтоох, агуулагдаж буй тохиолдолд УБҮ-ийн үнэнд оруулан тооцож байх журамд шилжүүлж болох санал дэвшүүлэв.
2. Урьд ГХЭ-ийн судалгаа хийж байсан ба одоо хийж буй эрдэмтэд, судлаачдын мэдлэг дадлагыг нэгтгэх зорилгоор ГХЭ-ийн судалгааны нэгдсэн төв байгуулж, төрөлжсөн лаборатори, хэрэгцээт тоног төхөөрөмж, урвалж бодисоор хангаж одоогийн санхүүжилтгүй, үр дүнг тодорхой тооцож ажил хэрэг болгодоггүй амь аргацаасан байдлаас гаргах нь чухал гэсэн үр дүнд хүрэв.
3. ГХЭ-ийн чиглэлээр олон талын мэргэжилтэн шинээр бэлтгэн, энэ чиглэлээр дадлага туршлага судлуулах ажлыг хойшлуулашгүй чухал гэж үзэв.
4. ГХЭ-ийн судалгааг хийхдээ орчин үеийн мэдээлэл технологийн салбар дахь амин чухал хэрэгцээг бодолцон хэрэглээ талын судлагаа туршилтын ажлыг хөгжүүлэн явуулах нь үр дүнтэй зүйл болов.
5. Дэлхийн зах зээл дээр эрэлт хэрэгцээ ихтэй бүтээгдэхүүний нэг бол ГХЭ агуулсан соронзот материал болно. Үүнийг бодолцон ШУА-д ГХ соронзонгийн үйлдвэрийг Япон, Солонгос, Хятад мэтийн газар зүйн хувьд ойр дөт орших орнуудын туслалцаатай байгуулж, бүтээгдэхүүнээ дотоод гадаадын зах зээлд гарган, эдийн засгийн эргэлтэнд оруулах нь зүйтэй гэж үзэв.
6. БНХАУ-ын ӨМӨЗО-ны Бугат хотын ГХЭ-ийн ЭШ-ний хүрээлэнгээс ирүүлсэн ГХЭ-ийн хамтын судалгааны лаборатори байгуулах төслийг хянан үзэж, үнэ өртөг хэт өндөр байгааг бууруулахын зэрэгцээ дэргэдээ ГХЭ-ийн хүдрийн эрдсийн (баяжуулах хэсэгтэй) лабораторитой байхаар асуудлыг өргөн хүрээтэй тавьбал зохилтой гэж үзэв.