Ашигт ургамлын биологийн идэвхит бодисыг биохими, микробиологийн аргаар судлах
Салбар : Байгалийн шинжлэх ухаан
Төслийн дугаар : 9070001027
Төслийн төрөл : Сэдэвт ажил
Хугацаа: 2006-2008
Санхүүжилт: 9,000.0 мян.төг
Түлхүүр үг : биохими, бактер, ашигт ургамал, алкалоид
Үр дүн
1. Монгол Дагуурын ойт хээрийн тойрогт ургадаг 30 овог, 60 төрөл, 73 зүйл ургамлын дээжинд биохими, микробиологийн судалгаа хийв.
2. Ашигт ургамлын биологийн идэвхит бодисыг биохимийн аргаар судлахын тулд рН-ийг 43, каротиныг 23, Р витаминыг 50, С витаминыг 61, аргаах бодисыг 24,
эфирээр эксракцалсан тосыг 60, кумариныг 7, полисахар эслэгийг 10, пектины бодисыг 5, флавоноидыг 17, алкалоидыг 21, антрагликозидыг 10, арбутиныг 3,
сапониныг 2 ургамалд тодорхойлж биохимийн судалгааны зүй тогтлыг илрүүлэв.
3. Судалгаанд авсан 73 зүйл ургамлын дээжинд микробын эсрэг идэвхи, бактерийн нийт тоог 8 уусгагч, 8 тест штамм хэрэглэн тодорхойлж бактерийн эсрэг
идэвхитэй 42 ургамлын дээжийг илрүүлэв. Ашигт ургамлын дээжинд хөгц мөөгний тоо, хөгц мөөгний колоний бичиглэл хийв. Миробын эсрэг идэвхи
илэрсэн ургамлын биологийн идэвхийн нэгжийг тодорхойлов.
4. Биохими ба микробиологийн судалгаагаар Bergenia crassifolia (L.) Fisch, Ribes rubrum L, Rubus sachalinensis Lev, Juniperus sibirica Burgsd, Agrimonia pilosa Ldb зэрэг ургамлыг үргэлжлүүлэн судлах шаардлагатай гэж үзэв.
5. Судалгаанд авсан 1г ургамлын дээжинд агуулагдах бактерийн нийт тоо, хөгц мөөгний тоо ургамлын зүйл болгонд өөр өөр, газар зүйн ижил орчинд адил биш
хэмжээтэй байдгийг илрүүлэв.