Тамир голын сав газрын магматизмын хөгжил ба геометрийн нөхцөл
Салбар : Байгалийн шинжлэх ухаан
Төслийн дугаар : 9136509
Төслийн төрөл : Сэдэвт ажил
Хугацаа: 2006-2008
Санхүүжилт: 49,908.4 мян.төг
Түлхүүр үг : тектоник, геодинамик, рифт, коллиз, геотерм, гранит, базальт, рифт
Үр дүн
1. Хангайн бүс нь Девоны эхэн үеэс карбоны сүүл үе хүртэл Монгол-Агнуурын далайн хэсэг байж далайн арлын толеит базальттай эвшсэн турбидит, флишлэг хурдас хуримтлагдаж, карбоны сүүлчээс пермийн дунд үед уг далайн үлдэгдэл захын тэнгис байдлаар хөгжиж моласс шинжийн хурдас хуримтлал явагдсаныг тогтоосон.
2. Пермийн сүүлч-триасын дунд үед коллиз явагдаж уг сав газар хаагдан атираажилт явагдаж ороген тогтолцоонд шилжиж царцдасын хайлалтын улмаас гранитоидын томоохон массивууд үүсч нэвтэрсэн байхыг тогтоосон.
3. Триасын дунд үеэс үндсэндээ эх газрын горимд шилжиж уулс хоорондын структуруудад эх газрын моласс хуримтлагдсан ба цэрдийн үед Монгол орны хэмжээнд явагдсан эх газрын рифтогенезийн явц энэ бүс нутагт мөн үйлчилж өргөрөгийн ба зүүн хойш чиглэлийн хагарал, сулралын бүсийн дагуу эх газрын вулканизм явагдах, дөт гүний магмын биетүүд түрэх нөхцөл бүрдсэн байгааг тогтоов.
4. Палеогений сүүлч буюу олигоценээс эхлэн плит доторх тектоник-магматизмын идэвхшилтийн горим бүхий муж болж 4-5 үе шаттай базальтын вулканизмын үйл ажиллагаа 30 гаруй сая жил үргэлжлэн явагдсаныг тогтоосон.
5. Олон үе шатаар явагдсан тэдгээр магматизмын эх голомтууд маантийн үйлчлэлтэй, өөрөөр хэлбэл, "Мантийн плюмтэй" холбоотой хөгжиж байгааг тогтоов.
6. Бага шаргалжуутын халуун рашаан нь зүүн хойш чиглэлтэй зүүн ургашаа уналтай, ба баруун хойш чиглэлтэй зүүн хойш босоодуу уналтай хагарлууд төвлөрсөн бүсээр гадаргууд гарч ирж байгаа бөгөөд халуун ус агуулах боломжтой гүний муж нь рашааны илэрлийн зүүн доороос өгссөн байдалтай зурагламжтай гравийн бага нягттай, цахилгааны өндөр туйлшрал ба бага эсэргүүцлийг үзүүлэх гажлаар илэрхийлэгддэг болохыг тогтоосон.