Салбар : Байгалийн шинжлэх ухаан
Төслийн дугаар :
Төслийн төрөл : Сэдэвт ажил
Хугацаа: 2010-2012
Санхүүжилт: 120000.00 мян.төг
Түлхүүр үг : Астропаип, алмаас, кимберлит, улаанбулагийн цул сульфидын хүдрийн талбай
Үр дүн
1. Агьт Хангай, Хүрээ Мандал, Нисдэг таваг астропаип геобүтцийг лавшруулан судалсанаар кимберлитийн төрхтэй алмаас, цагаан алт, алт, солирын бороо болон бусад ховор эрдэс бодисыг илрүүлэв.
2. Цэнхэр астропаип геобүтцээс монголд анх удаа төмөр-чулуун солирыг (палласит) илрүүлж Цолмон гаригын чулуун бүтэцтэй дүйцүүлэн судлав.
3. Сэлэнгэ мөрний неогены хуримтлалын дэнжээс солирын бороо, оптикийн чанартай солирын шил, алмаасын бусад дагуул эрдсүүдийг микрозондын судалгаагаар илрүүлэн тогтоов.
4. Улаанбулагийн цул сульфидын хүдэржилтийн талбайг өргөжүүлэн судалсанаар уртаашаа 50 км, өргөөшөе 5-20км орчинд
алт-цул сульфидын хүдэржилт эрчимтэй тархсан болохыг нягтлав. Энэхүү хүдэржилт далайн суурьтай эртний арлан нумын аккрецлагдсан геодинамик нөхцөлд захирагдаж үүссэн болох нь петрологи, геохими, генетик-минералогийн судалгаагаар нотлогдох болов.
5. Неопротерозойн пиритжилттэй хар занарын хурдас чулуулаг Өлзийт, Байдрагийн голын савд өргөн тархасныг нягталж геологийн зураг, холбогдох тайлбарыг боловсруулав. Эдгээр хурдас арлан нумын аккрецын нөлөөнд хүчтэй орсоноос алтны хүдэржилтээр баяжигдсаны зэрэгцээ гүн усны нехцелд хуримтлагдахдаа ялзмаг органикийн задралаар шатамхай чанартай болсон нь илрэв. Сэдэвт ажлын үр дүнд 19хх бүхий ганц сэдэвт зохиол туурвиж гадаад, дотоодын хэвлэлд 28 өгүүлэл хэвлүүлж, олон улсын ба үндэсний эрдэм шинжилгээний хуралд 4 илтгэл хэлэлцүүлсэнээс гадна нэг
бүтээлд зохиогчийн эрхийн гэрчилгээ авлаа. АНУ-д хэвлэгддэг "Астрономи ба Астрофизик" сэтгүүлд Монголын алмаасжилттай
астропаип геобүтцийн талаар бидний өгүүлэл нийтлэгдсэнтэй 703 уншигч танилцсан байна.