Монгол орны ховордож буй зарим эмийн ургамлын биотехнологийн судалгаа
Салбар : Байгалийн шинжлэх ухаан
Төслийн дугаар : 013
Төслийн төрөл : Сэдэвт ажил
Хугацаа: 2008-2010
Санхүүжилт: 41,681.4 мян.төг
Түлхүүр үг : In vitro, ex vitro, эмийн ургамал, эс эд, бичил ургамал, хоёрдогч метаболит, каллус
Үр дүн
1. In vitro-д ургуулсан эгэл өмхий өвсний (Peganum harmala L.) 14 хоногтой цухуйцын үндэс, иш, навчны эксплантыг A.rhizogenes ATCC15834 омогоор халдварлуулахад 2 долоо хоногийн дараа гэмтээсэн хэсгээр үслэг үндэс (hairy root) үүсэх боломжтой болохыг үзүүлсэн.
2. Эгэл өмхий өвсний бичил ургамлыг in vitro-aaс ex vitro-д (хүлэмжинд) шилжүүлсэний дараа 3 жил амжилттай ургаж, цэцэглэж үрлэсний дараа, түүнд гармин, гармалин нийлэгжиж байгааг тодорхойлсон.
3. Нөмрөгт банздоогийн [Saussurea Involucrata [Kar.et Kir.] Sch.Bip.] үрийг in vitro нөхцөлд соёолуулахад 70% этанолоор 30секунд, 2% Гипохлорид натрийн уусмалаар 5 минут ариутгах нь тохиромжтой ариутгалын горим болохыг тогтоосон.
4. 4.4 µM БАП, 1.7 µM ИЦХ, 17.3 µM ГХ3 нэмсэн MC тэжээлийн орчинд өсгөвөрлөхөд 6.2±2.3 ш нахиатай, 2.9±0.8 см өндөртэй, 27±4.1 см үндэстэй бичил ургамал гаргаж авсан.
5. Байгалийн эх ургамал болон in vitro бичил ургамлын навчны эксплантаас каллус үүсгэхэд 4.52 µM 2.4-Д болон 0.46 µM кинетинтэй МС тэжээлийн орчин хамгийн эерэг нөлөөтөй болохыг тогтоосон.
6. Цээнийн байгалийн эх ургамлаас эксплант авч шууд эрхтэн үүсгэхэд бохирдол ихтэй, in vitro өсгөвөр эхлүүлэхэд хүндрэлтэй, харин үрийн хөврөлөөс өсгөвөр эхлүүлэх нь тохиромжтой болохыг тогтоосон
7. Олон цэцэгт сухайн үе зайдмыг 4 дахин шингэрүүлсэн Мурасиге-Скугийн тэжээлийн орчинд /јMC/ өсгөвөрлөж ариун эх материал гаргаж авсан.