Салбар : Байгалийн шинжлэх ухаан
Төслийн дугаар : 051
Төслийн төрөл : Сэдэвт ажил
Хугацаа: 2008-2010
Санхүүжилт: 24,000.0 мян.төг
Түлхүүр үг : Жижиг хөхтөн, бүлгэмдэл, популяци, байгалийн бүс, зүйлийн баялаг, хөдлөлзүй, амьдрах орчин
Үр дүн
1. Баруун Хэнтий, Монгол Алтай, Говийн Алтайн уулс, Галба, Алшаа, Борзон, Алтайн өвөр, Зүүн гар говь, төв Халхын хээр, Хустайн БЦГ- ийн нутаг дэвсгэрт хийсэн судалгаагаар жижиг хөхтний 70 орчим зүйлийн талаар мэдээлэл цуглуулав.
2. Ойн бүсэд цасан бүрхүүлийн хэмжээ, өвлийн хүйтний эрч гэсэн хоёр гол хүчин зүйл жижиг хөхтний тооны хэлбэлзэлд нөлөөлнө. Сибирийн тайгад илэрдэг популяцийн циклт хэлбэлзэл манай орны ойн экосистемд төдийлөн илрэхгүй байгааг тогтоов.
3. Популяцийн тооны хэлбэлзэл судалгаа хийсэн ихэнх нутагт асинхрон байх нь нийтлэг ажиглагдаж байна. Зонхилогч зүйлийн тоо хэмжээ буурах үед бусад зүйлийн тоо хэмжээ ихсэх хандлага илэрч байгааг судалгаагаар гаргав.
4. Доройтсон бэлчээрт жижиг хөхтөн амьтны зүйлийн баялаг хомсдож, амьдрах чадвар сайтай цөөн зүйл давамгайлж буйг судлав.