Мал амьтны цусан халдварт өвчний үеийн бие бүтцийн эмгэг өөрчлөлт болон монгол хонины нарийн гэдэсний бүтцийг эд эсийн түвшинд судлах нь
Салбар : Хөдөө аж ахуйн (ХАА) шинжлэх ухаан
Төслийн дугаар : 022
Төслийн төрөл : Сэдэвт ажил
Хугацаа: 2008-2010
Санхүүжилт: 9,000.0 мян.төг
Түлхүүр үг : уушги, иммунофлуоресценц, Пейерийн товгор, салстын доод давхрага
Үр дүн
1. Эмгэг анатомын задлан шинжилгээгээр элэг томорч, ирмэг нь мохоо болсон төдийгүй мөхлөгт сөнөрөл үүссэн ба уушгины цулцан хөөж томрон, том бронхууд хөөстэй шингэнээр дүүрсэн. Бөөрны гадаргуу дээр цус харвалт үүссэн байлаа.
2. Элэгний эсийн цитоплазм хөөн томорч, эс хоорондын зааг мэдэгдэхгүй болж, эсийн дотор хоосовч үүссэн төдийгүй мөхлөгт уурган сөнөрөлийн процесс явагдаж элэгний зарим эс үхжилийн өмнөх байдалтай болсон байв. Уушгинд цусархаг сахуулайт үрэвсэл үүсч байсан бөгөөд цулцанд нь цусархаг-ийлдэст үрэвсэлтэй, цусны улаан эс, саармаг эс болон макрофаг нэвчиж, цусны хялгасан судасанд бүлэнтэл үүсч, улаан элэгжилтын процесс явагдсан байв. Мөн уушигны зарим хэсгийн цулцанд ширхэнцэр үүсч, цагаан эс нэвчиж саарал элэгжилтийн шинж тэмдэг илэрсэн байна.
Бөөрний холтослог давхаргын гадаргуу дээр олон тооны цус харвалттай, тахир сувганцарын цитоплазмд хоосовч үүсч, түүний бөөм хөөн томорч зарим нь ууссан байдалтай болж мөхлөгт сөнөрөлд орсноос гадна сувганцар хооронд тунгалаг төст эс нэвчин орсноос сувганцарын цочмог үрэвсэл үүссэн байв. Зүрхний булчинц мөхлөгт сөнөрөл үүссэн төдийгүй булчингийн гликогены задрал явагдасны улмаас булчинд цэлцэгнүүр үүссэн байв.
3. Хөлдөөж хадгалсан хонины эмгэгт эрхтний дээжийг хөлдөөгч микротомоор зүсэж иммунофлуоресценцийн шинжилгээг ММ5 6082:2010 стандарт ийлдсыг ашиглан дархан туяаруулах шууд аргаар урвал тавьж үзэхэд эерэг урвал буюу тод ногоон өнгөөр гэрэлтэж эерэг урвал өгч байв.
4. Монгол ба эрлийз хонины өлөн гэдэс нь дундажаар 20-28 м урт, бичил бүтцийн хувьд салст, салстын доод, булчинт, гялтант давхаргын бүтэц адилхан боловч, монгол хонины нарийн гэдэсний салстын доод давхаргын хөвсгөр ба уян налархай ширхэгээс ихэвчилэн тогтох ба түүний завсараар цөөн тооны эд цавуурхаг ширхэгтэй бөгөөд энэхүү салстын доод давхарга нь харьцангуй зузаан байна.