Салбар : Байгалийн шинжлэх ухаан
Төслийн дугаар : 1701088
Төслийн төрөл : Сэдэвт ажил
Хугацаа: 2008-2010
Санхүүжилт: 28,429.2 мян.төг
Түлхүүр үг : вейвлет, хүчилтөрөгчийн эмульс, цахиурын эмульс, нүүрстөрөгчийн эмульс, фосфорын эмульс, хүхэрийн эмульс, гелийн эмульс;
Үр дүн
1. Бидний боловсруулалт хийсэн туршилтын материал нь статистик бага, цөөхөн мөртэй тохиолдолууд тул цөмийн мөргөлдөөний завсарын бүтцийг нарийвчлан тогтоох боломжгүй, харин ерөнхий төлөвийг гарган авсан зургуудаас харж болно.
2. Туршилтын дүн ба онолын тооцооны зөрүү нь туршилтын их статистиктэй материал дээр хэмжилтийн дүнг сайнаар ялгаж салгаж нарийвчлал өндөртэй тооцоо хийхэд арилах боломжтой гэж дүгнэж байна.
3. Үүний тулд a ба b параметрүүдийн түгэлтийг сонирхож буй бөөмсийн урсгал, бусад бөөгнөрөл үүсэх боломжтой байдалд W(a,b)f гэсэн вейвлетийн спектртэй харьцуулан байгуулах судалгааг цаашид явуулах нь чухал байна. Иймд вейвлетийн коэффициентүүд -г тухайн туршилтын материалд тохируулан сонгож улмаар а ба b параметрүүдийн түгэлтийг сонирхож буй мужид байгуулах ажлыг хийх ёстой.
4. Хэдийгээр урьдчилсан анализаар илэрсэн төрөл бүрийн хэлбэрийн дүрсүүд (тойрог, эллипс, бөөмсийн урсгал)-ийг тухайн тохиолдолуудын завсрын бүтцэд харгалзсан үр дүн гэж үзэж болох боловч өндөр статистик, олон мөртэй тохиолдлыг вейвлет хувиргалтаар боловсруулж цөм, цөмийн урвалын үр дүнд үүсч байгаа 2 дахь бөөмсийн энергийн хувьд, бас цэнэгийн хувьд нарийн ялгаж салгаснаар цэнэгийн мөргөлдөөний завсрын бүтцийг төсөөлөн зураглаж болно гэж үзэж байна.
5. Рапидитийн түгэлтэд эгэл бөөмсийн бөөгнөрөл сулавтар ажиглагдаж байгаа нь үүнээс урьд хийгдсэн ажлуудтай тохирч байна. S-бөөмсөөс b, g-бөөмсийг хурдтай сайн ялгаж тооцвол эгэл бөөмсийн бөөгнөрөл буюу рапитидийн огторгуйд тод харж болох ёстой.