Салбар : Байгалийн шинжлэх ухаан
Төслийн дугаар :
Төслийн төрөл : Сэдэвт ажил
Хугацаа: 2019-2022
Санхүүжилт: 34,500.0 мян.төг
Түлхүүр үг : шавар, шаварлаг чулуулаг, нуман цахилалт, химийн ууршуулалт, шингээгч материал, нүүрстөрөгчийн нано хоолой
Үр дүн
Нүүрстөрөгчийн нано хоолойг химийн ууршуулалтын аргаар ургуулах хийн оролттой (Ar, C2H2) өндөр температурын зуух бүхий реактор, нуман цахилалтын аргаар усан орчинд гарган авах реакторыг тус тус угсрав.
Дээрх 2 төрлийн реакторыг ашиглан химийн ууршуулалт (аргон хийн орчинд ацетилен хийнээс монтмориллонитоос гарган авсан Fe-SiO2 катализаторын тусламжтайгаар 750оС), нуман цахилалт (графитаас өдөөх хүчдэл 16V, хоорондын тусгаарлах зай 1 мм, 80А тогтмол хүчдэл)-ын аргуудаар лабораторийн нөхцөлд 100нм диаметр бүхий олон ханат нүүрстөрөгчийн нано хоолойг гарган авлаа.
Хувийн гадаргуугийн талбай ихтэй, сүвэрхэг 2 төрлийн шаврын нүх сүвэрхэг суурь (темплат) материал гарган авлаа. Үүнд: Хонгор-Овоогийн каолинит болон Хөмүүлтийн монтмориллонит шаврыг дулааны, хүчлийн болон шүлтийн боловсруулалтад оруулж, хувийн гадаргуугийн талбай нь 630.6 см2/г, 5208 см2/г бүхий сүвэрхэг бүтэцтэй материалыг гарган авсан.
Дээрх 2 төрлийн сүвэрхэг шаврыг ашиглан ОХННХ-той механохимийн болон химийн аргаар нийлэгжүүлэн 2 төрлийн; мөн ОНХХН-г химийн аргаар боловсруулан 2 төрлийн нийт 4 төрлийн композит материалыг гарган авч шинж чанарыг тодорхойлж, адсорбцын шинжилгээ (метилен хөх болон Cu2+-ион) хийсний дүнд шингээгч материалаар ашиглах боломжтойг тогтоов.
Эрдэм шинжилгээний өгүүлэл – 8 (гадаадад -3, дотоодод - 5)
Эрдэм шинжилгээний илтгэл - 10 (гадаадад -6, дотоодод - 4)
Технологийн заавар – 1
Лавлах материал (товхимол) - 1