Салбар : Байгалийн шинжлэх ухаан
Төслийн дугаар :
Төслийн төрөл : Сэдэвт ажил
Хугацаа: 2018-2020
Санхүүжилт: 40,000.0 мян.төг
Түлхүүр үг : Феррит; шпинель бүтэц; хольц; кристалл болон молекул бүтэц; стехиометрийн харьцаа; DFT тооцоолол; хавдрын эс
Үр дүн
Энгийн болон урвуу шпинел бүтцийн тохиолдолд феррит нэгдлийн электрон бүтэц, соронзон шинж чанарын онолын судалгааг гүйцэтгэснээр магни болон төмрийн атомуудын байрлал тетраэдр болон октаэдр байрлалд хэрхэн суухаас түүний соронзон шинж чанар хүчтэй хамаарч байгааг тооцоолон гаргав.
Төмөр агуулсан феррит нэгдлүүдийг гарган авах химийн синтезийн горимыг тогтоох ажлыг гүйцэтгэв. Золь-гелийн аргаар гарган авсан MgFe2O4 дээж нь куб шпинел бүтэцтэй, ямар нэгэн хольц байхгүй цэвэршилт өндөртэй, кристаллитын хэмжээ тохиромжтой (~50нм), дулаан дулаан ялгаруулах чадамж өндөр (42°) байв.
Цэвэр магнийн ферритийн кристалл бүтцийн А болон B дэд торуудад орших катионуудыг соронзон болон соронзон бус шинж чанартай элементүүдээр хольцлох замаар катионы түгэлт, бүтэц, шинж чанарыг удирдах судалгааг явуулав.
Хольц элемент ашиглан соронзон шинж чанарыг нь өөрчилж, удирдах зорилгоор MgFe2O4 нэгдлийг Cu2+ элементээр хольцолж, бүтэц шинж чанарын хамаарлыг тодорхойлов. Зэсийн хольцын хэмжээ x=0.8 хүрэх үед тетрагонал 〖CuFe〗_2 O_4 фаз үүсэж байгааг тогтоолоо. Кристалл бүтцийн нарийвчилсан судалгаагаар Cu2+ хольцын улмаас ферритийн эгэл торын эзлэхүүн бага хэмжээгээр тэлснээр холбоосын хүч буурсан, соронзон момент нь октаэдр дэд бүтцээс тетраэдр бүтэц рүү шилжсэн буюу торын хүчиллэгийн хэмжээ ихэссэн, тетраэдрийн байршил дээр төмрийн ионууд цугларснаар урвуу шпинел бүтэц үүссэн болохыг тодорхойлов.
Дээрх судалгааны ажлуудад үндэслэн хамгийн өндөр дулаан ялгаруулах чадамж бүхий феррит нано материалыг хавдрын эс дээрх туршилтыг гүйцэтгэв. Бид судалгаандаа хүний умайн хүзүүний хавдрын эсийг сонгон авч 〖Mg〗_0.8 〖Ni〗_0.2 〖Fe〗_2 O_4 соронзон шинж чанар бүхий нано ферритийг ашиглан эсийн амьдрах чадварын үнэлгээг хийлээ.
Өөрсдийн угсарсан соронзон орон үүсгэгч төхөөрөмжөөр халалт үүсгэж эсийн ургалтыг дарангуйлж байгаа эсэхийг судлан үзэхэд бидний гарган авсан феррит нано бөөм нь Hela эсийн ургалтыг 16.8% -иар дарангуйлж байв.