Салбар : Байгалийн шинжлэх ухаан
Төслийн дугаар :
Төслийн төрөл : Сэдэвт ажил
Хугацаа: 2018-2021
Санхүүжилт: 30,600.0 мян.төг
Түлхүүр үг : Нарны идэвхжил, Нарны идэвхт үзэгдлүүд, Нарны хэт ягаан цацраг, Тэнгэрийн эрхсийн хөдөлгөөн, GPS, Ионосфер, Электроны нийт агууламж
Үр дүн
Нарны коронограф дурангаар спектрийн H-альфа шугам дээр Нарны тэсрэлт, дөл, идэвхт мужийн ажиглалт хийх, тэдгээрийн физик параметрийг тодорхойлох, тайлбарлах тооцоолол хийх, Нарны хэт ягаан цацрагийн эрчмийг 365нм12нм, 312нм12нм долгионы мужууд дээр хэмжилт хийж улирал, нарны идэвхжил зэргээс хамаарах шүтэлцээг тодруулах, Нарны радио гялбааны спектрт анализ хийх, түүний үндсэн параметрүүдийг тооцоолох программ зохиох, байнгын GPS станцуудын тасралтгүй ажиллагааг хангах, HOVD, CHOB, DALN станцуудын мэдээг хөрвүүлэх, архивлах, боловсруулах, GPS хурдны өөрчлөлтийг Дэлхийн тулгуур тогтолцоонд тодорхойлж, хянах, ионосфер дэх электроны агууламжийн өөрчлөлтийг судлах зэрэг ажлуудыг өнгөрсөн хугацаанд хийж гүйцэтгэсэн.Тухайлбал, Нарны NOAA 12770 идэвхт мужид болсон 2020 оны 8-р сарын 08-ны тэсрэлт болон идэвхт дөлний зургийг “Хүрэл тогоот” Одон Орон Судлах Оргилын Коронограф дурангаар устөрөгчийн Н-альфа шугам дээр авч боловсруулж физик параметрүүдийг тодорхойлсон. Титмийн электрон нягтыг тодорхойлох дараах томьёог гарган авсан. n_e= n_0 〖(1+y)〗^((-1)⁄((1-α)b)), y=(1-α)/α b r/λ_T . Бага жинтэй хүчний тусламжтайгаар Дэлхийтэй мөргөлдөж аюул учруулж болох бага гаригуудын тойрог замыг өөрчлөн аюулгүй болгох боломжтойг харуулсан онолын хэд хэдэн тооцоог хийв. Нарны хэт ягаан цацрагийн 365нм ба 312нм долгионы орчим мужид 2008-2019 онд хийсэн хэмжилтийн материалыг ашиглан агаар мандлын тунгалгийн коэффициентийг тодорхойлсон. Ионосфер давхаргын электроны нийт агууламжийн (ЭНА) хэлбэлзлийг Нарны идэвхт үзэгдлүүд болон геосоронзон шуурга зэрэгтэй хамааралтай байгааг судалж, түүний урт болон богино хугацааны үеүдийг Фурье, Вейвлет аргуудаар тодорхойлсон. Сансрын геодезийн суурь судалгааны хүрээнд дагуулын навигацийн GNSS мэдээгээр газрын деформац шилжилт хөдөлгөөний хурд, Дэлхийн тулгуур тогтолцоонд тодорхойлох ажлыг хийсэн.