Гэрэл бодисын харилцан үйлчлэл
Салбар : Байгалийн шинжлэх ухаан
Төслийн дугаар :
Төслийн төрөл : Сэдэвт ажил
Хугацаа: 2016-2018
Санхүүжилт: 51,500.0 мян.төг
Түлхүүр үг : Керр төрлийн шугаман материал Лазер бодисын харилцан үйлчлэл Раман сарнил Сүлэгдсэн фотон
Үр дүн
1. Мэдээллийн системийн бааз үүсгэr бусад судлаачдын хүрсэн үр дүнг дүгнэж цаашид хийх тооцоондоо тусгаж, бодитой байж болох параметрийг сонгон тооцоондоо тусгаж өгсөн
2. Сөрөг керр орчинд байж болох долгионы хувилбаруудыг олон параметраас хамааруулан тогтоосон байна. эрдэм шинжилгээний хуралд илтгэл хэлэлцүүлсэн, мөн өгүүлэл хэвлүүлсэн.
3. Анизотроп керр орчны гүн рүү тарах хоёр горимд ТЕ долгио заагаас ойх бодлого бодсон, эрдэм шинжилгээний хуралд илтгэл хэлэлцүүлсэн мөн өгүүлэл хэвлүүлсэн.
4. Хэт богино пульстэй лазер, гэрлийн квант төлөвүүдийн бодистой харилцан үйлчлэлийг онолоор судалж тайлбарлах судалгаануудыг хийж гүйцэтгэв. Бид хялбар хоёр энергийн түвшинтэй системийн хувьд хоёр фотоны шингээлтийн процесс үед судлагч пульсын эрчим ба фазын өөрчлөлтийг тооцооллоо. Мөн релексацийн тогтмол ба сунасан пульс хамаарах хамаарлыг судаллаа. Бид сүлэгдсэн фотон(entangled photon) пульс ашигласан өдөөн-судлах аргыг санал болгож байна. Тоон симуляци нь хоёр фотоны шингээлтийн дохиог өдөөн-судлах(pump-probe) дохионоос шүүж болно гэдгийг харуулсан. Бидний санал болгож буй аргыг LaMnO3 загварын орбитал долгионоор үүсэлтэй албадмал Раман сарнилын дохиог олоход ашиглаж болно гэдгийг харуулсан. Эдгээр асуудлыг хэрхэн шийдсэнийг тайлагнав. Өндөр имфакт фактортой эрдэм шинжилгээний сэтгүүлд өгүүлэл хэвлүүлж, эрдэм шинжилгээний товхимол хэвлүүлсэн
5. Тэгэхдээ долгионы оронг координат ба хугацааны огторгуйд авч үзсэнгүй, диэлектрик тензор нь эрчмээс дурын функц байх ерөнхий тохиолд, урвуу функцийг нь буюу оронгийн амплитуд бүрийг диэлектрикийн функцээр илэрхийлж, долгион хоёр орчны зааг дээрээс ойх нэвтрэх бодлогыг глобаль шийдэх арга олсон. Сөрөг керр орчиноос гэрлийн стационар долгион бүрэн ойх бодлогыг бодож, огторгуйн координатаар квази үелэх шийдийн физик утгыг тодруулж үр дүнгээ хэвлүүлсэн.