Уураг пептидийн биофизик судалгаа
Салбар : Байгалийн шинжлэх ухаан
Төслийн дугаар :
Төслийн төрөл : Сэдэвт ажил
Хугацаа: 2009-2011
Санхүүжилт: 60,000.0 мян.төг
Түлхүүр үг : бактерийн эсрэг идэвхи, зээд потенциал, альбумин, изоназид
Үр дүн
Монгол орны шивэр мэлхий Rana amurensis-ийн арьсны булчирхайн шүүрэл нь Bacillus subtilis, Staphylococcus aureus, Micrococcus luteus, Escherichia coli, Enterococcus faecalis–ийн эсрэг үйлчлэлтэй нэгдлийг агуулах ба протеазе ферментийн үйлчлэлээр идэвхээ алдаж, өндөр температурын үйлчлэлд идэвхээ хадгалж байгаа бөгөөд зөвхөн 5000 Da-аас бага молекул жинтэй нэгдлийг агуулах фракц нь бактерийн эсрэг идэвхитэй бөгөөд ароматик амин хүчилтэй ижил 280 нм долгионы уртад шингээлттэй байгаа нь шивэр мэлхий Rana amurensis-ийн арьсны булчирхайн шүүрэл нь бактерийн эсрэг өндөр идэвхтэй пептид нэгдэл агуулдгийг баталж байна.
Мэлхийн арьсны шүүрлээс ялгасан бактерийн эсрэг үйлчлэлтэй пептид еsculentin-1c-ийн структурын судалгааг хамтран хийж, тус бүр нь ампипатик шинж чанар бүхий 3 альфа хеликс агуулах бөгөөд энэ нь бактерийн мембранд нэвтрэхэд чухал үүрэгтэй болохыг тогтоов.
Saccharomyces cerevisiae-ийн эсээс чөлөөлөгдөх уургийн хэмжээ түүнд үйлчлэх 20 кГц хэт авианы чадлаас хамаарах ба хэт авианы чадал 20-60W-н утганд шугаман хамааралтайгаар өсөж байгаад ханах утгандаа хүрч байна. Мөн хэт авиагаар үйлчлэх хугацаа нэмэгдэх тутам эсээс чөлөөлөгдөх уургийн хэмжээ ихсэх бөгөөд 15 минутын орчим хамгийн их утгаа авч байна. Харин хэт авиагаар үйлчилсний дараа 300C-д байлгах хугацаанаас үл хамаарна.
Saccharomyces cerevisiae-ийн эсээс чөлөөлөгдөх уургийн хэмжээ 2.2 кV/cm цахилгаан импульсээр үйлчилсний дараа 300C-д байлгах хугацаа ба орчны глюкозын концентрациас хамаардаг ба эсийн суспенз дахь глюкозын концентраци 2.0М байх үед цахилгаан импульсээр үйлчилсний дараа 300С-д 4 цаг байлгахад Saccharomyces cerevisiae–аас чөлөөлөгдөх уургийн хэмжээ хамгийн их утгаа авдаг болохыг үзүүлэв. Эсийн суспензийн орчны глюкозын концентраци 2.0 М байхад цахилгаан импульсээр үйлчилсний дараа суспенз дахь амьд үлдсэн дрожжийн эсийн эзлэх хувь ойролцоогоор 93% буюу усан орчинд амьд үлдэх эсийн тооноос ойролцоогоор 29%-иар их байна.
Цусны ийлдсийн альбумин уураг антибиотик изониазидтай харилцан үйлчлэх механизмын туршилтийг үргэлжлүүлэн хийж, харилцан үйлчлэлийн дүнд альбуминий хоёрдогч структур болон конформацийн өөрчлөлтийг бүртгэв.
Эсгэлэн сүүн бүтээгдэхүүн, чацаргана (Hippophae rhamnoides) жимс болон говийн эндемик (нэг эст) ургамлаас ялгасан дрожжийн Saccharomyces sp. C28, Rhodotorulla gracilis KO, Kluyveromyces sp. D1, Saccharomyces cerevisiae T70 штаммуудын электрокинетик потенциал эсийн суспензийн рН ба ионы хүчнээс хамаарах хамаарлыг харьцуулан судалж, тэдгээрийн гадаргуу сөрөг цэнэгтэй бөгөөд нэг эрэмбийн элэктрокинетик потенциалтой болохыг, мөн Z-потенциал эсийн суспензийн рН ба ионы хүчнээс хамаарах хамаарал штамм бүрд ялгаатай боловч Rhodotorulla gracilis KO ба Saccharomyces cerevisiae T70 штаммуудын хувьд ижил зүй тогтолтой болохыг тогтоов.