Рецептор уургийн дархлааны зохицуулгын биоинформатикийн судалгаа
Салбар : Байгалийн шинжлэх ухаан
Төслийн дугаар :
Төслийн төрөл : Сэдэвт ажил
Хугацаа: 2009-2011
Санхүүжилт: 30,000.0 мян.төг
Түлхүүр үг : Дархлааны зохицуулга, рецептор уураг, соленоид уураг, лейцин-баялаг давталт, тойргын фиттинг, хеликсийн фиттинг, эмийн дизайн
Үр дүн
ЛБД уургийн 3 хэмжээс бүтцийг ангилж, консенсус дараалал, бүтцийн нэгж, дарааллын тоо, дарааллын урт, хеликс ба тойргийн параметрүүдийг тодорхойлж өгөгдлийн сан байгуулав. Энэ нь энэ хүртэл хийсэн судалгааны ажлуудын үр дүнг нэгтгэсэн мэдлэгийн бааз боллоо.
Уургийн структурын биоинформатикийн судалгаанд хэрэглэгдэх 2 ХБКА бий болсон бөгөөд ялангуяа урьд нь уургийн хоёрдогч бүтцийн судалгаанд хэрэглэгдэж байсан хеликсийн фиттинг хийх аргыг ЛБД уургийн судалгаанд сайжруулан хэрэглэлээ.
Амин хүчлийн дараалал ба бүтцийн геометрын параметрын хамаарлыг тогтоосон нь уургийн 3 хэмжээст бүтцийг тооцоолох (prediction) эмийн дизайн хийхэд чухал ач холбогдолтой юм.
Эдгээр аргуудыг ашиглан зөвхөн ЛБД уураг гэлтгүй дархлааны зохицуулга болон бусад харилцан үйлчлэлд оролцдог бүх соленоид уургуудыг бүтцийн хувьд ангилах арга боломжтой боллоо.
Эдгээр үр дүн нь монгол улсын шинжлэх ухаан технологийн тэргүүлэх чиглэлд орсон биоинформатикийн чиглэлийг монголд хөгжүүлж, судалгаа хийх материаллаг бааз, оюун санааны нөөцийг тодорхой хэмжээгээр бий болгосон гэж үзэж байна.