Салбар : Байгалийн шинжлэх ухаан
Төслийн дугаар :
Төслийн төрөл : Сэдэвт ажил
Хугацаа: 2009-2011
Санхүүжилт: 50000.00 мян.төг
Түлхүүр үг : Алкалоид, флавоноид, сапонин (сапогенин), кверцетин.катехин, пероксидаза, каталаза, арбутин, хандлаг бодис.
Үр дүн
Судалгаанд авсан өвслиг ургамлын чөлөөт хүчлийн тоог илэрхийлдэг еренхий хүчиллэг ба устөрөгчийн ионы концентраци, усны хэмжээ, уураг, антиоксидант идэвхтэй С-витамин, фенолт нэгдэл-флавоноид, каротин ба хялгасан судасны ханаар нэвтрэх чанарт Р витамин (цитрин), полифенолт нэгдэл-аргаах бодис, түүхий тос, полисахарид-эслэг болон пектин, зарим ургамлын газрын дээд хэсэг болон үндсэнд энгийн фенолын гликозид болох микробын эсрэг, шээс хөөх үйлчилгээтэй гидрохинон О-(3-О-глюкозид-арбутин, антрацены (антоцианидин) уламжлалт флавоноид-антрагликозид, нийлбэр флавоноид, терпен, терпеноидын стероид сапонин (сапогенин), нийт алкалоид, исэлдэн-ангижрах ферментийн ангид хамаардаг пероксидаза, каталаза ферментийн идэвх, органик ба органик бус бодисын комплекс-хандлаг бодисын хэмжээг тодорхойлж үр дүнг харьцуулав. Зарим ургамлын газрын дээд хэсэг, үндэсний үнсний дээжинд Х-туяаны флюресценцийн багажаар макроэлемент-9, микроэлемент-33-ийг тодорхойлж харьцуулан дүшэв. Улаан сармиснаас эдийн өсгөвөр гаргах туршилт эхлүүлэв.
Зарим ашигт ургамлын спиртэн ба усан хандны туршилтын Куммин удмын хулганы цусны доторх гаднах бүлэгнэлтэнд үзүүлэх үйлдэл, зарим ургамлын спирт-ус (7:3)-ны өтгөрүүлсэн масс, Вистар үүлдрийн хархны цусны холестеролын хэмжээг хэр зэрэг бууруулах туршилт хийв. Ашигт 3-4 ургамлыг ус ба органик уусгагчаар хандалж, бактерийн эсрэг идэвх, липаза ферментийн үйлчлэлийг дарангуйлах идэвхийг тодорхойлов. Зарим ашигт(3-4) ургамлын газрын дээд хэсгийн этилацетатын ханднаас фенолт нэгдэл-6 флавоноид ба кумарин 1-ийг илрүүлж, бүтэц байгуулалтыг тогтоов.