Салбар : Байгалийн шинжлэх ухаан
Төслийн дугаар :
Төслийн төрөл : Сэдэвт ажил
Хугацаа: 2009-2011
Санхүүжилт: 15,000.0 мян.төг
Түлхүүр үг : Биологийн төрөл зүйл, хөрсний амьтан, экологи, зоогеографи
Үр дүн
1. Хөрсний амьтдын зүйлийн олон янз байдал, тоо толгойн нягтшилт, доминант зүйлүүдийн бүрэлдэхүүн, тархалтын жигд байдал гэх мэт бүлгэмдлийн бүтцийн үзүүлэлтүүд хөрсний чийг ба ялзмаг агууламж, нягтшил, тухайн бүс нутагт унах хур тундасны жилийн дундаж хэмжээ зэргээс хамааралтай болохыг илрүүлэв.
2. Хөрсний амьтдын тоо толгойн болон зүйлийн олон янз байдлын улирлын динамик ой болон хээрийн ландшафтын аль алинд хаврын төгсгөл болон зуны эхэн сард, мөн зуны эцэс болон намрын эхэн сард эрс нэмэгдэж, намрын дунд сараас зүйлийн олон янз байдал болон тоо толгойн хэмжээ эрс буурдаг болох нь илэрлээ.
3. Монгол орны хөрсний амьтдын бүрэлдэхүүнийг ОХУ-ын Сибир, Алс Дорнод, Казахстан, Хятад гэх мэт хил зэргэлдээ болон ойролцоо орших бүс нутгуудын фаунатай харьцуулан судалсны үндсэн дээр тэдгээрийн бүрэлдэхүүний төсөөтэй болон ялгаатай шинж, хоорондын харилцан холбоо, гарал үүслийн онцлог зэргийг илрүүлэв.
4. Тус орны хөрсний амьтдын фауна үүсч бүрэлдэхэд Палеарктикийн түгээмэл тархалттай зүйлүүдийн зэрэгцээ тус орны эндемик зүйлүүд, мөн Зүүн Азиас үүсэлтэй зүйлүүд түлхүү оролцсон болохыг тогтоов.