Монгол гэрийн дулааны төлөв байдал ба гэрийн халаалтыг оновчтой шийдвэрлэх судалгаа
Салбар : Инженерийн ухаан, технологи
Төслийн дугаар :
Төслийн төрөл : Сэдэвт ажил
Хугацаа: 2009-2010
Санхүүжилт: 30,800.0 мян.төг
Түлхүүр үг : тонгол гэр, гэр, цахилгаан халаагуур, нарны коллектор, хөрсний дулаан хуримтлуур
Үр дүн
1. Монгол гэрийн дулаан хангамжийг орчин үеийн техник, технологи (сэргээгдэх эрчим хүч, цахилгаан эрчим хүч)-ийг ашиглан шийдвэрлэх шинэ технологийг боловсруулав;
2. Монгол гэрийн эрчим хүчний хангамжийн техник, технологи нь жилийн дөрвөн улиралд нутаг сэлгэн нүүж байдаг малчин айл байх уу? эсвэл суурин газарт байх монгол гэр байх уу? гэдгээс хамааран ялгаатай авч үзэв;
3. Монгол гэрийн дулааны төлөв байдлын ба гэрийн халаалтыг оновчтой шийдвэрлэх судалгаа явуулж гэр, гэр хэлбэрийн барилга байгууламжийн дулааны төлөв байдал, дулаан масс солилцооны математик загварыг боловсруулав;
4. Монгол гэрийн эрчим хүчний хангамжийн асуудлыг шийдвэрлэхэд анхаарах ёстой архитектур төлөвлөлт, хийцийн онцлогийг дулааны төлөв байдлын математик загварт үндэслэн гаргав;
5. Гэрийн дулааны хэрэглээ, суурин монгол гэрийг орчин үеийн дэвшилт техник, технологи ашиглан дулаацуулах онцлог, гэрийн бууринд дулаан хуримтлуулах технологийг нарийвчлан судалж Монгол гэрийн дулаацуулах үндсийг боловсруулав.
Тус судалгааны үр дүнг монгол гэрийг боловсронгуй болгох талаар ажилладаг зохион бүтээгчид, хот суурингийн агаарын бохирдлыг бууруулах чиглэлээр төсөл хөтөлбөр хэрэгжүүлж байгаа байгууллага хүмүүс ашиглах боломжтой.
Монгол гэрийг дулаацуулах аргыг танин мэдэж улмаар шинэ технологи нэвтрүүлснээр Монгол Улсын иргэд төдийгүй гадаадын жуулчид зэрэг хүмүүс тавь тухтай байх нөхцөл бүрдэж үр шимийг нь хүртэж, агаарын бохирдол багасна.
Монголчуудын уламжлалт сууц болох монгол гэрийн дулаан хангамжийг орчин үеийн техник технологи (сэргээгдэх эрчим хүч, цахилгаан эрчим хүч)-ийг ашиглан шийдвэрлэх нь дэлхий дахинд шинэ зүйл юм.
Монгол гэрийн эрчим хүчний хангамжийн техник, технологи нь жилийн дөрвөн улиралд нутаг сэлгэн нүүж байдаг малчин айл байх уу? эсвэл суурин газарт байх монгол гэр байх уу? гэдгээс хамааран ялгаатай байна. Монгол гэрийн эрчим хүчний хангамжийн асуудлыг шийдвэрлэхэд анхаарах ёстой гэрийн архитектур төлөвлөлт, хийцийн онцлогийг гаргаж, гэрийн дулааны хэрэглээ, суурин монгол гэрийг орчин үеийн дэвшилт техник, технологи ашиглан дулаацуулах онцлог, гэрт хэрэглэх халаалтын тоног төхөөрөмжийн талаар авч үзэж техник, технологийн шийдлүүдийг гаргаж энэ тайланд орууллаа.