Электронжуулалт болон альтернатив эрчим хүч, энерги хэмнэлтийн технологи,
Салбар : Инженерийн ухаан, технологи
Төслийн дугаар : 1701088
Төслийн төрөл : Сэдэвт ажил
Хугацаа: 2011-2013
Санхүүжилт: 257,052.0 мян.төг
Түлхүүр үг : Автоматжуулалт, электроник, ПИД тохируулагч, Барилгын дулаан алдалт, нарны эрчим хүч, цаг уурын нөхцлийн загварчилсан өгөгдөл, энерги хэмнэдэг систем.
Үр дүн
1. Нарны шууд цацрагийн эрчим ихтэй, цаг уурын хүйтэн нөхцөлд дулаан хангамжид ялангуяа говь, тал хээрийн бүсэд нарны цацраг төвлөрүүлэгчтэй системийг ашиглах боломжтой юм.
2. 100м2 талбайтай нарны цацраг төвлөрүүлэгчтэй дулааны системийг ашигласнаар жилд 43.4 МВт*ц дулаан үйлдвэрлэх боломжтой байна.
3. Халаалт шаардлагагүй 6-8 - р сард 180-230 0С температуртай, 14,8 МВт*ц нарны дулааны энергийг дулааны хуримтлуурт өгөх боломжтой юм.
4. Өндөр технологид суурилсан дулааны шахуургын халаалтын системийг бие даасан байр сууцны халаалтанд ашигласнаар эрчим хүч хэмнэх боломжийг олгож байна.
5. Дулааны шахуургын халаалтын системийг ашиглах нь дулаан хангамжийн шугамд ойр байрлахтай холбогдсон байр сууцны төвлөрөл, утааны бохирдолыг багасгах ач холбогдолтой юм.
6. Эдийн засаг, экологи, хүрээлэн байгаа орчинд халгүй халаалтын технологийн нэг нь газрын гүнээс ил гарч ирж байгаа дулаан болон газрын хөрсний дулааныг ашиглах явдал юм
7. Нам даралтын дулааны генераторын галын хотол ба дулаан солилцох гадаргуугын температурын ялгаварын хамаарлыг гарган авсанаар нам даралтын дулааны генераторын ашигтай дулааныг нэмэгдүүлэх, дулааны солилцуурын өргөтгөсөн гадаргууг сонгох, хийц зохиомжийг боловсронгуй болгох боломж бүрдэж байна.
8. Утааны бохирдол багатай нам даралтын дулааны генератор нь хүйтний улиралын дулааны оргил ачаалал болон нарны энергийн дутагдалтай үед ажиллаж, обеъктуудын нийт дулааны ачааллын 20-32 хувийг хангах тооцоо гарав.
9. Говь, хээрийн бүсэд орших сумын төвийн дулаан хангамжийн системд нарны дулааны коллектор, дулааны хуримтлуур, нэмэлт дулааны эх үүсгүүр болох нам даралтын PT-29/32-5 маркын дулааны генератор хосолсон халаалтын технологийг ашиглах боломжтой байна.
10. ПИД тохируулгыг ашигласан автомат удирдлагын системийг зохион бүтээсэн нь ФТХ болон бусад хүрээлэн лабораториудын ЭШ-ний ажлын үр дүнг сайжруулан ач тусаа өгч байна.
11. Төрөл бүрийн мэдрэгч ашиглан, мэдээллийг хүлээн авах, боловсруулах, хадгалах, дамжуулах системийг зохион бүтээсэн нь ФТХ-гийн эрдэм шинжилгээний төсөлд ашиглагдаж байна.
12. GSM модем ашиглан дохио дамжуулах блокийг хийснээр ямар нэгэн объектын зайнаас хянах удирдах боломжийг олгож байгаа юм.
13. Зайн удирдлагатай ахуйн хэрэглээний цахилгаан халаагуурыг зохион бүтээсэн бөгөөд гэр хорооллын айл өрхөд тавьснаар хүйтний улиралд утааг багасгахад тустай, мөн дутуу шаталтын бүтээгдэхүүнийг алга болгосноор экологид ээлтэй бүтээгдэхүүн болж чадах юм.
14. Физик технологийн хүрээлэнгийн Биофизикийн лабораторийн спектрофлуорометрийг автоматжуулах боломжийг судлан, түүнд зориулагдсан электрон удирдлагын блокийг хийж угсраад байна.
15. AES стандартын нууц шифрийг LabVIEW дээр программчлан бичиж туршсан.
16. Ердийн дулаалгын материалаар барилгын хаших хийцүүдийг дулаалан, дулаан алдалтын коэффициентийг 0,3 Вт/м2К хүртэл багасгахад халаалтын улирлын хугацаанд 1м2 ашигтай талбайд зарцуулагдах дулааны энергийн хэмжээг манай орны нөхцөлд 110-148 кВтц/м2-аар хэмнэх буюу 40 хүртэлх хувиар бууруулах бололцоотой болохыг тогтоов.
17. Монгол орны цаг уурын нөхцөлд тохирсон пассив барилгын халаалтын дулааны энергийн хэмжээ нь 40 кВтц/м2жил –аас ихгүй байх боломжтойг тогтоолоо.
Нийгэм, эдийн засгийн гол ач холбогдол нь:
18. Орон сууцны болон олон нийтийн барилгын дулааны алдагдлыг багасгах түүнчлэн эрчим хүч хэмнэх бололцоог олгох;
19. Оршин суугчдын тав тухтай амьдрах нөхцөл бололцоог бүрдүүлэх;
20. Манай орны томоохон хот суурин газруудын агаарын бохирдлыг эрс бууруулах зэргүүд болно.