Салбар : Байгалийн шинжлэх ухаан
Төслийн дугаар : 027
Төслийн төрөл : Сэдэвт ажил
Хугацаа: 2009-2011
Санхүүжилт: 155,000.0 мян.төг
Түлхүүр үг : Мезозой, кайнозой, хурдас хуримтлал, давхрагазүй, рифтийн, рифтийн өмнөх, рифтийн дараах
Үр дүн
1. Монгол орны хэмжээнд мезозой-кайонозойн эриний туршид бүрэлдэн тогтсон тунамал, вулканоген бүрдлүүдийг үүсэл хөгжлийн геодинамик нөхцөл байдалтай уялдуулан мезозой-түрүү кайнозойн тектоникийн мөчлөгт хамаарагдах рифтийн өмнөх, рифтийн, рифтийн дараах хөгжлийн үе шатны стрүктүрийн 3 төрөл, хожуу кайнозойн тектоникийн мөчлөгт хамаарагдах рифтийн өмнөх ба рифтийн хөгжлийн үе шатны стрүктүрийн 2 төрөлд тус тус шинээр ангилсан.
2. Мезозойн хурдсын стратиграфийн ангилалыг шинэчлэн боловсруулж хотгоруудын геодинамик хөгжлийн үе шатуудыг тодруулсанаас Халиуны хотгорын Шинэ ус, Хуримтын дүүргийн кайнозойн хурдсын тулгуур зүсэлтүүд, Дархадын хотгорын DDP10-3, Доод нуурын core1, core2, Хөвсгөл нуурын KDP04, KDP06 зэрэг цөмрөгүүдийн литологи, минералоги, геохимийн шинэлэг өгөгдлүүдээр баяжуулан хурдас хуримтлалын орчин, эртний уур амьсгал байгаль орчны өөрчлөлтийг тодруулсан.
3. Монгол орны мезозойн эриний тунамал, вулканоген бүрдлүүдийн геодинамик хөгжлийн үе шатуудтай холбоотойгоор үүссэн голлох төрлийн ашигт малтмалын байршилт, тархалтын зүйтогтлыг илрүүлсэний зэрэгцээ судалгаанд хамрагдсан сонгомол хотгоруудын нүүрс, шатах занар, газрын тос, уран, калийн шүлтжилттэй газрын ховор элементийн хүдэржилт, мөн түүнчлэн эрдэст нуурын ховор элементийн хүдэржилтийн талаархи материалуудыг нэгтгэн дүгнэсэн.
4. Сэдэв хэрэгжих хугацаанд бий болсон шинэлэг өгөгдлүүд нь тус сэдвийн гүйцэтгэгчдийн боловсруулан нийтийн хүртээл болгосон Монгол Улсын 1:1000000 масштабын Мезозой-кайнозойн тектоник, минерагенийн зургууд, тэдгээрийн тайлбар бичгүүдэд тусгагдсанаас гадна “Quaternary International”, “ДАН”, “Химий в интерасах устойчивого развития” зэрэг гадаадын нэр хүнд бүхий сэтгүүлүүдэд хэвлүүлсэн 12, дотоодын мэргэжлийн сэтгүүлүүдэд хэвлүүлсэн 21 өгүүлэл, мөн ОУ-ын болон үндэсний эрдэм шинжилгээний бага хурлуудад хэлэлцүүлсэн 23 илтгэл, илтгэлийн хураангуй зэрэгт тусгалаа олсон болно.