Эукариот геномын судалгаа
Салбар : Байгалийн шинжлэх ухаан
Төслийн дугаар :
Төслийн төрөл : Сэдэвт ажил
Хугацаа: 2012-2014
Санхүүжилт: 36000.00 мян.төг
Түлхүүр үг : митохондрийн геном (мт-ДНХ), Cyt-b ген, D-loop, 12S р-РНХ-ийн ген
Үр дүн
1. Геномын сан. Архангай, Булган, Дорнод, Завхан, Орхон, Өвөрхангай, Сэлэнгэ, Төв, Ховд, Хөвсгөл, Хэнтий, Увс зэрэг 12 аймгийн нутагт тархсан зэрлэг гахай (Sus scrofa Limnaeus, 1758)-н 51 бодьгалийн дээжнээс геномын ДНХ-ийг ялган, Монгол орны хөхтөн амьтдын геномын сангийн цуглуулгыг баяжуулж, ДНХ-ийн түвшинд биологийн судалгаа хийх хэрэглэгдэхүүн бэлдсэн.
2. Митохондрийн геном (мт-ДНХ) дахь Цитохром –b (Cyt-b) ген Монгол оронд тархсан зэрлэг гахай (Sus scrofa Linnaeus, 1758)-н 33 бодьгалийн митохондрийн (мт-ДНХ) геном дахь Cyt-b генийн 1140 орчим хос нуклеотид бүхий секвенцийг тогтоов.
3. Митохондрийн геном(мт-ДНХ) дахь D-loop буюу хяналтын муж Монгол оронд тархсан зэрлэг гахай (Sus scrofa Linnaeus, 1758)-н 32 бодьгалийн митохондрийн (мт-ДНХ) геном дахь D-loop буюу хяналтын мужийн тус бүр 1260 орчим хос нуклеотид бүхий секвенцийг тогтоов.
4. Митохондрийн геном(мт-ДНХ) дахь 12S р-РНХ-ийн ген Монголд тархсан зэрлэг гахай (Sus scrofa Linnaeus, 1758)-н 33 митохондрийн (мт-ДНХ) геном дахь 12S р-РНХ-ийн генийн 960 орчим хос нуклеотид бүхий секвенцийг тогтоов.
5. Монгол оронд тархсан зарим зүйл хөхтөн амьтдын мт-ДНХ-ийн 3 маркёрын 71 шинэ гаплотипийг National center for Biotechnology Information (NCBI) -д бүртгүүлэн (GenBank accession numbers ) дугаар авсан. Энэ нь эукариот геномын бүтэц зохион байгуулалтын талаар шинэ мэдээлэл илрүүлсэн. 6. Томсон-Ройтерсийн бүртгэлтэй, импакт факторын индекс (IF-JCR) бүхий сэтгүүлд эрдэм шинжилгээний 3 өгүүлэл, мэргэжлийн түвшинд хянагддаг (peer-review) олон улсын мэргэжлийн сэтгүүлд эрдэм шинжилгээний 3 өгүүлэл, эрдэм шинжилгээний хурлын эмхэтгэлд 1 өгүүлэл, 2 абстракт нийтлүүлсэн.