Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : Сэдэвт ажил
Хугацаа: 2013-2015
Санхүүжилт: 30,000.0 мян.төг
Түлхүүр үг : Эгэл биетэн, сүүнхүчлийн бактери, гүзээ, ходоод, микрофлор
Үр дүн
Эхээс гарсаны дараах эхний хоёр долоо хоногийн дотор хурганы тэжээл угжуурын бүтэц дэх нүүрс усны эх үүсвэрийг зөвхөн эгэл чихрээс, сартайгаас нь дисахараас бүрдүүлэх боломжтойг илрүүлсэн.
Хурганы гүзээний урган төлжих явц дахь Эгэл биетний 5 төрөл, зүйл, ферментатив идэвхтэй сүүнхүчлийн нянгийн 3 бүлгийн төлөөллүүдийн байршин үржих үйл явцыг хоногийн бойжилттой нь холбон судалж, онолын тайлбар дүгнэлт гаргав. Тэдгээрт нөлөөлөх хүчин зүйлүүдийг тогтоов.
Хангай, Говь, Өндөр уулын бүсийн исгэлэн сүүн бүтээгдэхүүний 180 орчим анхдагч өсгөврүүдээс пробиотик шинжээр нь сонгон молекул биологийн төвшинд Lactobacillus-ийн төрлийн савханцрын 2 омогийг /нийт 6 эх материал/
Тэдгээрийн антибиотиктэй хослох, монголд өргөн тархсан хүн, малын ходоод гэдэсний эмгэг төрүүлэгчдэд сөрөг үйлчилгээтэй, тэсвэрт чанар өндөртэй зэрэг онолын үндэслэлд тулгуурлан эдгээрийг пробиотик бүтээгдэхүүний технологид ашиглах боломжтойг тогтоов.
Насны ялгаатайгаар авагдсан өтгөний дээжин дэх микрофлорын бүрэлдэхүүнийг 15 төрөл, зүйлээр ялган тогтоов.
Хүүхдийн өтгөний микрофлорын дотор хамгийн өргөн тархсан нянгуудын тоонд Lachnospiraceae орох бөгөөд түүний дараа Ruminococcaceae, Prevotellaceae, Bifidobacteriaceae идэр насныханд Prevotellaceae, Lachnospiraceae, Ruminococcaceae, Bifidobacteriaceae гэх мэтээр солигдов. Идэр насны микрофлорын бүрэлдэхүүний дээрхи чиг хандлага 70-аас дээш насныханд ч хадгалагдан үлдэх боловч эрүүл мэндийн ач холбогдолтой Bifidobacteriaceae төрөл насны дагуу буурдагийг тогтоов.
Ахимаг насны хүмүүсийн өтгөнд Bifidobacteriaceae төрөл буурах хандлагатай тул уул бичил биетний омог агуулсан пробиотикууд хэрэглэх нь зүйтэй юм гэсэн таамаглал дэвшүүлжээ.