Дэлхийн соронзон орон ба геомандлын физикийн судалгаа
Салбар : Байгалийн шинжлэх ухаан
Төслийн дугаар :
Төслийн төрөл : Сэдэвт ажил
Хугацаа: 2014-2016
Санхүүжилт: 40400.00 мян.төг
Түлхүүр үг : Соронзон мандал, соронзон оргил, цахилгаан соронзон тандалт, цэнэгт мандал, дагуу гүйдэл, соронзон потенциал
Үр дүн
1. 2013-2016 онуудад “Дэлхийн соронзон орон ба геомандлын физик” онолын суурь судалгааны сэдэвт ажлын хүрээнд Дэлхийн соронзон орны өөрчлөлтийг байнга бүртгэх соронзон вариацийн 2 оргил, 3 станцын үйл ажиллагааг тасралтгүй явуулах, Дэлхийн соронзон орны Монгол нутаг дахь тархалт өөрчлөлт, эрний хувьсалын судалгаа, Соронзон мандлын физик процесс, суббури, энерги дамжих механизмийн судалгаа, Цахилгаан соронзон тандалт гэсэн гол чиглэлүүдээр ажлаа төвлөрүүлэн гүйцэтгэж 2016 онд Өмнөговь аймагт соронзон орны вариацийн станц Леми-18 багажийг суурилуулан шинээр соронзон оргил (DLZ-MAG) байгуулахаар ажиллаж байна. Улаанбаатар (ULN), Ховд(HVD) соронзон оргилуудын ажил хэвийн явагдаж Таван толгойн шинэ соронзон оргил (MTT)- ын багаж төхөөрөмжийг шинэчлэн тоноглов.
2.Улаанбаатар хотын орчим газар хөдлөлтийн урьдал байж болох физик параметрүүдийг бүртгэх илрүүлэх зорилгоор хоорондоо 50 км-ын зайтай 3 станцыг суурилуулж ажилд оруулав. Ингэснээр соронзон мандал ба цэнэгт мандалын плазмын орчинд болдог физик процесс, газрын гүнд болдог цахилгаан соронзон оронтой холбоотой өөрчлөлтүүдийг гүнзгийрүүлэн судлах сайхан боломж нээгдлээ. Энэ судалгаа цаашид эрчимжинэ.
3.Соронзон оргилуудын мэдээлэлээр соронзон мандлын физик процесс, энерги дамжих механизмын судалгааг ТИМ арга ашиглан судлаж суббурийн энергийн шинэ үүсгэвэр байж болох таамаглал дэвшүүлэв.
4.Швейцар, Герман, Монголын хамтарсан цахилгаан соронзон тандалтын экспедици зохион байгуулсанаар энэ чиглэлийн шинэ судалгаа манай оронд хөгжих эхлэл тавигдав.
5.Соронзон орны богино үет хувьслын болон боловсруулалтын программ хангамжуудыг матлаб программчиллийн хэл дээр буй болгож байна.
6.ИНЕГ-ийн захиалгаар Монгол нутгийн соронзон орны соронзон хазайлтын өнцгийн утгаар зураг зохиох ажлыг гүйцэтгэж хүлээлгэн өгөв.