Цөлийн ба цөлөрхөг хээрийн зарим зүйл ургамлын ган, хүйтэнд тэсвэрлэх чадварыг in vitro орчинд тодорхойлох
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : Сэдэвт ажил
Хугацаа: 2014-2015
Санхүүжилт: 24,000.0 мян.төг
Түлхүүр үг : Үр, үрийн морфологи, үрийн анатоми, гангийн стресс, хүйтний стресс, давсны стресс, хлорофиллийн агууламж
Үр дүн
- Монгол орны ургамлын аймгийн 9 овгийн 11 төрлийн 14 зүйл ургамлын үрийн жин (1000 үрийн жин), хэмжээ (урт, өргөн, зузаан), өнгө, хэлбэр, гадаргуу, үсжилт, гялтал-залт, тунгалагшилт, хүйсийн байрлал зэрэг үзүүлэлтийг бинокуляр, өсгөгч шил, микроскоп, миллиметрийн цаас, фото зургийн аппарат ашиглан, үрийн лабораторийн соёололтыг термостатад ургуулах аргаар тодорхойлов. Мөн 3 зүйл ургамлын үрийг хөндлөн зүсэж бүрхүүл, эндосперм, хөврөлийн бүтцийг электрон микроскопоор харж тодорхойллоо.
- Цөлөрхөг хээрийн бүсэд ургах Сибирь хялганы хлорофиллийн агууламжийг олон улсад мөрддөг арга зүйн дагуу тодорхойлов.
- Цөлөрхөг хээрийн ба хээрийн бүсэд ургах 1 зүйл ургамлын үрийг хамруулж ган, хүйтэнд тэсвэрлэх чадварыг in vivo, давсны стресс тэсвэрлэх чадварыг in vitro орчинд тодорхойлов.
- Өмнөговь аймгийн Гурван-тэс сумын нутагт явуулсан хээрийн судалгаанд цөлөрхөг хээрийн 12 зүйл ургамлыг хамруулж хээрийн соёололт, өсөлт хөгжил, амьдрах чадварыг тодорхойлов.
- “Цөлийн ба цөлөрхөг хээрийн бүсийн зарим зүйл ургамлын үрийн морфологи, анатоми, стресс тэсвэрийн судалгаа” нэг сэдэвт бүтээлийн хэвлэлийн эх боловсруулсан.
- Төслийн хүрээнд 1 оюутан магистрын, 2 оюутан бакалаврын дипломын ажил бичиж хамгаалсан.
- Судалгааны ажлын үр дүнгээр олон улсын хэмжээнд 2, дотоодод 2 илтгэл хэлэлцүүлж дотоодын сэтгүүлд англи хэл дээр 1, монгол хэл дээр 2, олон улсын хурлын эмхэтгэлд 2 өгүүлэл хэвлүүллээ.
- Оюуны өмчийн газарт хүсэлт гаргасан. Тайланг ШУТС-д хүлээлгэн өгсний дараа шийдвэрлэгдэнэ.