Зүрхний нээлттэй мэс засал ба үрэвсэл:Системийн үрэвслийн хариу урвалыг бууруулах асуудалд
Салбар : Анагаах ухаан, эрүүл мэндийн шинжлэх ухаан
Төслийн дугаар :
Төслийн төрөл : Сэдэвт ажил
Хугацаа: 2014-2016
Санхүүжилт: 30,000.0 мян.төг
Түлхүүр үг : Цусны зохиомол эргэлт, зүрхний нээлттэй мэс засал, интерлейкин, системийн үрэвслийн хариу урвал
Үр дүн
Цусны зохиомол эргэлттэй зүрхний нээлттэй мэс заслын дараах 24 цагт СҮХУ 75%, 48 цагт 63%, 7 дахь хоногт 19% илэрсэн. Цусны зохиомол эргэлтийн үеийн гол судасны хавчаар авсаны дараах 1 цагт интерлейкин 6 (p<0.001), интерлейкин 8 (p<0.001), интерлейкин 10 (p<0.001) статистик магадлал бүхий өндөр байлаа.
Үрэвслийн цитокин интерлейкин 6 хамгийн өндөр түвшин нь цусны зохиомол эргэлтийн (r=0.578, p<0.001) болон гол судсыг хөндлөн хавчсан хугацаатай (r=0.608, p<0.002) хамааралтай байгаа нь хагалгааны дараах эрт үед СҮХУ үүсэхэд чухал нөлөөтэйг илтгэж байна.
Цусны зохиомол эргэлттэй мэс заслын дараах СҮХУ илэрсэн үед эмнэлзүй-лабораторын үзүүлэлтээс элэгний фермент АсАТ хагалгааны дараах 48 цагт (p<0.001) ихсэж, хагалгааны дараах 72 цагаас буурч, 7 дахь хоногт хагалгааны өмнөх түвшинд (p<0.05) хүрэхгүй байна.
Цусны зохиомол эргэлттэй мэс заслын дараах эрт үед 19%-д цус алдалт (20 мл/кг- аас их) илэрсэн. Цусны бүлэгнэлтийн бүх үзүүлэлтүүд ЦЗЭ-тэй мэс заслын үе (p<0.001) болон ГСХ авсаны дараах 1 цагт (p<0.01) хагалгааны өмнөхөөс мэдэгдэхүйц хэмжээгээр ялгаатай байсан. Цусны зохиомол эргэлт нь гепарин хамааралт мэдэгдэхүйц (p<0.01) тромбоцитопени үүсгэж байна.