Их нууруудын хотгорын бүсийн таримал жимс жимсгэний генофондын цуглуулга, судалгаа, тарималжуулах
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : Сэдэвт ажил
Хугацаа: 2015-2017
Санхүүжилт: 36500.00 мян.төг
Түлхүүр үг : Эх цэцэрлэг, жимс жимсгэнэ (чацаргана, чавга, алим, лийр, үхэр нүд, улаалзгана), нутагшсан, ирээдүйтэй сорт, арга зүй, каталоги, технологи, зөвлөмж.
Үр дүн
1. Жимс жимсгэний генофондын 1 га талбай (үхэр нүд 0.28, улаалзгана 0.2, алим 0.1, чавга 0.1, лийр 0.1, гүйлс 0.1, бөөрөлзгөнө 0.02, интоор 0.1 га) байгуулав.
2. Цуглуулганд алим чавга, лийр, гүйлс, интоор, бөөрөлзгөнө, үхэр нүд, улаалзгана зэрэг 8 төрлийн жимс жимсгэний 22 сортын 2305 ш суулгац тарьсан. 2017 онд үхэр нүдний 4 сортын 1644 ш улаалзганы 3 сортын 194, интоорын 60 суулгац нэмж тарьсан.
Алимны сортууд дунджаар 86.9 %, чавганых 84.6 %, лийрийнх 53.3-83.3 %, үхэр нүднийх 46.4 %, улаалзганых 53.2 % амьдарсан. Байгалийн нохойн хошууны тарьц хамгийн сайн буюу 66 %, мөчрийн өсөлт 15 см хүрч, бут эрүүл, ургамлын ерөнхий байдал хэвийн, 4 баллтай, тарималжих боломжтой.
3. Цуглуулганд судлагдаж байгаа бөөрөлзгөнө, улаалзгана, лийр алим, интоор, гүйлс, чавга, үхэр нүд зэрэг 10 таримал жимс жимсгэний 20 сортыг бүртгэж, салбарын хэмжээнд мэдээллийн жижиг сан байгуулсан. Мөн ХАА-н таримлын сортын каталоги” номонд (2017 он) нутагшсан, ирээдүйтэй 6 таримлын (улаалзгана үхэр нүд, бөөрөлзгөнө, чацаргана, алим, чавга) 7 сорт оруулж хэвлүүлэв.
4. 2017 онд Улсын сорт сорилтын комиссын хурлаар улаалзганы Шедрая сортыг нутагшсанаар батлуулав. 2014 онд ирээдүйтэй сортоор шалгарсан чавганы Пониклая сортыг үржүүлж олшруулах, экологийн сорилтын ажил эхэлсэн.
5. Жимс жимсгэний 7 төрлийн таримлын 8 сорт (чацаргана, улаалзгана үхэр нүд, чавга, интоор, бөөрөлзгөнө, алим) тариалах зөвлөмж, технологийн зураглал (карт) боловсрууллаа.