Компьютер тоглоомын хамааралд нөлөөлөх хүчин зүйлс, урьдчилан сэргийлэх арга зам
Салбар : Хүмүүнлэгийн ухаан
Төслийн дугаар :
Төслийн төрөл : Сэдэвт ажил
Хугацаа: 2015-2017
Санхүүжилт: 30000.00 мян.төг
Түлхүүр үг : хамаарал, донтолт, сэтгэлийн хөдөлгөөнөө хянах чадвар, өөрийн үнэлэмж, санаа зовох, түгших чанар
Үр дүн
1.Интернет болон компьютер тоглоомын хамаарлын талаар онолын судалгааг: өсвөр насны хүүхдүүдийн дунд компьютер тоглоомын хамаарлын тархалт, нийгмийн болон сэтгэл зүйн талаас нөлөөлсөн хүчин зүйлс; компьютер тоглоомын хамаарлын түвшинг оношлох шалгуур; урьдчилан сэргийлэх чиглэлээр хүүхэд, багш, эцэг эхчүүдэд өгөх мэдээлэл, сургалтын агуулга гэсэн чиглэлээр хийсэн. Онолын судалгааны үр дүнгээр 4 өгүүллэг хэвлүүлэв.
2. Интернет болон компьютер хамаарлын түвшинг үнэлэх олон улсад хэрэглэгдэж буй шалгуур үзүүлэлтүүдийг судлан, нөхцөл байдлын болон сэтгэл зүйн судалгааны арга зүй боловсруулсан.
Нөхцөл байдлын үнэлгээ хийх зорилгоор нийслэлд үйл ажиллагаа явуулж буй цахим тоглоомын газруудад ажиглалт; Kомпьютер тоглоом хэт их тоглосны улмаас эмнэлэгт хандсан хүүхдүүдтэй ярилцлага; ЕБС-д суралцаж буй хүүхдүүдээс асуулгын аргаар судалгаа явуулсан. Судалгаанд 11-18 насны нийт 769 хүүхэд хамрагдсанаас тестийн итгэгдэх чанар хангалттай түвшинд гарсан 587 хүүхдийн өгөгдөлд дүн шинжилгээ хийв. Судалгааны ажлын үр дүнгээр 3 өгүүллэг хэвлүүлсэн.
3. ЕБС-ийн нийт 23 сургуулийн 800 гаруй сурагчдад компьютер тоглоомын хор уршгийн талаар мэдээлэл өгсөн.
4. Өсвөр үеийхэнтэй ажиллаж буй багш, нийгмийн ажилтан, сэтгэл зүйч болон мэргэжилтнүүдэд компьютер тоглоомын хамааралтай хүүхэдтэй ажиллах чиглэлээр нийт 5 удаагийн сургалт зохион байгуулж, үүнд ойролцоогоор 300 орчим хүн хамрагдсан.
5. Урьдчилан сэргийлэх чиглэлээр сургалтын хөтөлбөр боловсруулсан.
6. Компьютер тоглоомын хамаарал: Оношилгоо ба урьдчилан сэргийлэх арга зам гарын авлага боловсруулсан. Гарын авлагыг сэтгэл зүйч, нийгмийн ажилтан, багш нарт сургалтзохион байгуулан, тараасан болно.