Төлийн ходоод гэдэсний замын микробиоценозыг коррекцлох Bacillus-ийн төрлийн нянд суурилсан биобэлдмэл бий болгох шинжлэх ухааны үндэслэл боловсруулах
Салбар : Хөдөө аж ахуйн (ХАА) шинжлэх ухаан
Төслийн дугаар :
Төслийн төрөл : Хамтарсан төсөл
Хугацаа: 2014-2015
Санхүүжилт: 6,000.0 мян.төг
Түлхүүр үг : Бацилус субтилис, антогонист, бактери, төлийн биж өвчин, эмчилгээ
Үр дүн
1.Төрөл бүрийн эх үүсвэрээс сонгомол тэжээлийн орчиноор цэвэрлэн үржүүлж, ялгасан Bacillus -ийн гаралтай бактерийн 80 гаруй анхдагч өсгөврүүдийн морфологи, өсгөвөржилт, гэдэсний эмгэг төрүүлэгчидэд сөрөг /антогонист/ нөлөө үзүүлдэг, хоргүй чанар зэргийг in vivo, in vitro нөхцөлд тогтоож, эмнэлэг биологийн хувьд ирээдүйтэй хиймэл тэжээлийн орчинд дасан зохицсон Bacillus -ийн төрлийн судалгааны эх материалуудыг бүрдүүлсэн.
2.Тэдгээрээс антибиотик төст бодис ялгаруулдаг, тэсвэртэй, пробиотик идэвхи бүхий Васillus-ийн нутгийн өсгөвөр-омгуудыг гарган авч, Беларусын талтай хамтран секвэнцийн судалгаагаар Васillus subtilis с2-7с болохыг тогтоов. Беларусын талаас ирүүлсэн Bаcillus amyloliquefaciens 44 омогийн шинж чанар, хоргүй чанарыг тогтоож, био масс нь нялх төлийн биж өвчний эмчилгээнд 90,0 хувийн, манай багийн Васillus subtilis с2-7с омгийн масс нь 83.3 хувийн, эмнэлзүйн эдгэрэлтийн идэвхи үзүүлсэн зэрэг судалгааны өгөгдөхүүн бий болов.
3. Ходоод гэдэсний эмгэг төрүүлэгчидэд сөрөг нөлөөтөй, төлийн өвчний эмчилгээний практикт ашиглах боломжтой Bаcillus-ийн (Васillus subtilis с2-7с, Bаcillus amylolique-faciens 44) гаралтай нянд тулгуурласан бүтээгдэхүүнийг бий болгох талаар явуулсан судалгаа, хэрэгжүүлэх арга зам, онол, арга зүйн үндэслэлийг тайлбарлан тайланд бичсэн бөгөөд үр дүнгээр нь ОУ -ын хуралд хамтарсан өгүүлэл-илтгэл -2-ийг хэлэлцүүлж, бага хурлын материалд нийтлүүлэв.