Наносистемийн бүтцийн эвдрэл болон шилжилтийн процессыг дулаан нейтрон сарнилын аргаар судлах
Салбар : Байгалийн шинжлэх ухаан
Төслийн дугаар :
Төслийн төрөл : Хамтарсан төсөл
Хугацаа: 2018-2020
Санхүүжилт: 18,000.0 мян.төг
Түлхүүр үг : Феррит; шпинель бүтэц; хольц; кристалл болон соронзон бүтэц; стехиометрийн харьцаа, фуллерен, кластер.
Үр дүн
1. Таван өөр химийн синтезийн арга (золь-гел, хатуу төлөв, тунадасжуулах)-аар гарган авсан MgFe2O4 нэгдлийг нейтрон дифракцын аргаар бүтэц, шинж чанарыг судлав. Ингэхэд феррит нано соронзон бөөмийг гарган авахад хамгийн тохиромжтой химийн синтезийн арга нь золь-гелийн арга бөгөөд CA/MN харьцаагаар морфологи бүтцийг удирдах боломжтой нь тогтоогдлоо.
2. Шпинель бүтэцтэй Cr хольцлон сайжруулсан CuFe2O4 феррит нэгдлийг гарган авч, хольц элементийн бүтэц, шинж чанарт үзүүлэх нөлөөллийг судлав. Нам температурын ус хийд шилжих урвалын идэвхжилийн энерги нь Cu агуулсан нэгдлийн хувьд инверсийн параметрээс хамаарч өөрчлөгдөж байгааг тогтоов.
3. Газрын ховор элемент Ce-ээр хольцолсон CoFe2O4 феррит нэгдлийг гарган авч судлав. Энэ нэгдэл нь куб шпинел бүтэцтэй, феррисоронзон бөгөөд хольц элементийн концентраци нэмэгдэхэд тетраэдр байршил дахь төмрийн ионууд октаэдр байршил руу шилжин суурьшиснаар урвуу шпинель бүтцээс холимог шпинел бүтэцтэй өөрчлөгдөж байгааг тогтоов.
4. Фуллерены кластер ургах процессыг гэрлээс хамаарах хамаарлыг бага туйлт, туйлт уусгагчдын хувьд судаллаа. Бага туйлт толуол, бензин, хлорбензин уусгагчдын хувьд фуллерены кластер ургалт харанхуй орчинд явагддаггүй болох нь тодорхойлогдов. Харин туйлт уусгагчдын хувьд орчны гэрлээс үл хамааран ургах процесс явагддаг нь ажиглагдлаа.
5. Квант тооцооллын программын тусламжтайгаар фуллерен хүчилтөрөгчийн молекул хооронд үүссэн холбоосоос хамааруулан хугацаанаас хамаарсан нягтын функционал онол ашиглан шингээлтийн спектрүүдийг гарган авч өмнө судлагдсан туршилтын үр дүнтэй харьцуулан судлав.
6. Фуллерены молекул болон усны 200 молекулуудыг тасалгааны температурын орчимд динамик процессыг МД загварчлал гүйцэтгэсэн. Усны 200 молекул болон фуллерены нэг молекулыг хамтад нь нэг систем болгон авч динамик процессыг ажиглахад холбоос хоорондын сонголтоос хамааран усны молекулуудын атом хоорондын холбоос уртсаж байсан.