Салбар : Хөдөө аж ахуйн (ХАА) шинжлэх ухаан
Төслийн дугаар : 9011290083
Төслийн төрөл : Хамтарсан төсөл
Хугацаа: 2018-2020
Санхүүжилт: 40,000.0 мян.төг
Түлхүүр үг : Хөврөл, Үр, Дорпер хонь, Ороо, Даавар, Зохиомол хээлтүүлэг, Амьдын жин, Биеийн хэмжээ
Үр дүн
Дорпер үүлдрээр монгол хонийг сайжруулсан арга боловсруулав. Цэвэр үүлдрийн дорпер хонийг үйлдвэрлэлд ашиглаж байна.
Биотехнологийн дэвшилтэт аргыг ашиглан махны чиглэлийн түргэн өсөлттэй хөврөлийн гаралтай дорпер үүлдрийн 16 хуц, 18 эм хонь, 793 дорпер х монголын 1-р үеийн эрлийз төлтэй болов.
Дорпер х Монгол = F1 хурга 350 толгой, Монгол хурга 150 толгойг бордсон. Бордсон болон дан бэлчээрээр малласан нийт 12 хурга нядлав. Дорпер х Монгол = F1 бордсон хургыг хяналтын хургатай харьцуулахад гулуузны жингээр 4.3 кг-аар илүү байна. Үүнийг өнөөгийн зах зээлийн чөлөөт үнээр /1 кг нь 6000 төг / үнэлбэл 25800.0 төгрөгийн орлого илүү олох боломж байна.
Харин бордсон монгол хургыг хяналтын хургатай харьцуулахад гулуузны жингээр 3 кг-аар илүү байна. Үүнийг өнөөгийн зах зээлийн чөлөөт үнээр /1 кг нь 6000 төг / үнэлбэл 18000.0 төгрөгийн орлого илүү олох юм.
Дорпер х Монгол = F1 туршлагын хурга хяналтынхаас 25800 төгрөгийн орлогоор илүү байхад туршлагын монгол хурга хяналтынхаас 18000 төгрөгний орлогоор давуу байна.
I үеийн эрлийз хурга эхээс гарснаас хойш 3 сар хүрэхэд 20.7 кг буюу хоногт 230 гр жин нэмж, өсөлтийн эрчим 5.14 дахин нэмэгдсэн байхад дорпер хурга мөн хугацаанд 20.1 кг буюу хоногт 220 гр жин нэмж өсөлтийн эрчим 5.1 дахин нэмэгдсэн байна.
Махны чиглэлээр үржилд сонгох хурганы хоногийн өсөлтийг дундаж хэмжээг 6 сартай үед 170 гр байх жишиг тогтоож болох юм.
8 сартай байран тэжээж бордсон Дорпер х Монгол = F1 хурганы гулуузны жин дунджаар 19.5 кг, бэлчээрийх 15.2 кг, байран тэжээж бордсон Монгол хурганы гулуузны жин 15.5 кг, бэлчээрийх 13 кг байна. Махны ерөнхий химийг тодорхойлсон.
Тээгч 141 толгой эм хонинд махны чиглэлийн Дорпер үүлдрийн хөврөл шилжүүлэн суулгаж, 34 хөврөлийн гаралтай хурга гарсан. Донор сүрэг бий болгох эхлэл хийгдсэн.
Булган аймгийн Дашинчилэн суманд цэвэр дорпер үүлдрийг маллах эрчимжсэн аж ахуйн цөм сүрэг 1, эрлийз төлийг өсгөн бойжуулах цөм сүрэг 1-ийг байгуулсан.
Барга хониор монгол хонийг сайжруулсан үржлийн 3200 эм хоньтой болсон.