Ачаалагдсан гадаргуунууд дээрхи эдийн засгийн ба геометрийн экстремаль бодлогууд
Салбар : Байгалийн шинжлэх ухаан
Төслийн дугаар :
Төслийн төрөл : Хамтарсан төсөл
Хугацаа: 2009-2010
Санхүүжилт: 6,000.0 мян.төг
Түлхүүр үг : Сөрөг бус хэмжээс, нээлттэй ба битүү олонлог, бэлчээрийн геометр
Үр дүн
Р.Беллманы дэвшүүлж, Б.Глассын шийдсэн хайлтын хоёр ба гуравдугаар бодлогуудыг бэлчээрийн гадаргуун хувьд өргөтгөн томъёолж, компьютерийн программын тусламжтайгаар хамгийн бага дундажтай эрлийн муруйнуудын уртыг тооцож гаргасан болно. Бэлчээрийн гадаргуу, өвсний нягт, усалгааны цэгүүдийн олонлог, гэрийг оновчтой байршуулах бодлого зэрэг ойлголтуудыг функционал анализын хүрээнд томъёолж олон тооны теоремуудыг баталж, тодорхой бодлогуудыг зохиож бодсон болно. Гэрийг оновчтой байршуулах бодлогыг ганц нүүдэлчний хувьд экстремаль бодлогын хүрээнд, харин 2 болон түүнээс дээш нүүдэлчдийн хувьд сөргөөлдөөнт бус тоглоомын онолын хүрээнд авч үзэн судалсан болно. Бэлчээрийн мал аж ахуй нь экологи болон цаг уурын нөхцөлөөс ихээхэн хамааралтай байдаг билээ. Иймээс урт хугацааны туршид хамгийн их ашиг олохын тулд малын тоо толгойг оновчтой зохицуулах асуудлыг Марковын хэлхээ хэлбэрийн шугаман бус стохастик загварын тусламжтайгаар томъёолж, нядалгааны оновчтой горимыг олох тооцон бодох судалгаануудыг явуулсан болно.