Монгол орны өвслөг ба сөөг ургамлын бүтэц, үйл ажиллагааны зохион байгуулалтын мэдээллийн чадамжийн судалгаа
Салбар : Байгалийн шинжлэх ухаан
Төслийн дугаар :
Төслийн төрөл : Хамтарсан төсөл
Хугацаа: 2009-2010
Санхүүжилт: 9000.00 мян.төг
Түлхүүр үг : Ургамлын физиологи, анатоми, Гербоклиматлоги, фотосинтез, усан солилцоо
Үр дүн
1. 2009 оны эхний хагас хээрийн судалгаанд бэлтгэх зорилгоор хээр, цөлийн ургамлан аймагт хэвлэлийн материал болон гербарын санд задлан шинжилгээ хийж голлосон үндэстэй өвслөг ба заримдаг сөөг ургамлын жагсаалт гарган үзэхэд Монгол орны ургамлан аймагт 1000 гаран зүйлийн олон наст ба заримдаг сөөг ургамал бүртгэж 817 зүйл ургамлын үндэсний системийг шинжлэн үзэхэд 443 зүйл нь голлосон үндэстэй бөгөөд онтогенез хөгжлийнхээ шатанд уг шинж чанараа хадгалдаг харин 428 зүйл сахлаг юмуу сарвуулаг үндэсний системтэй болох нь тогтоогдов. Түүнээс гадна үндэсний системийн бүтэц нь ангилал зүйн тодорхой нэгжүүдэд өвөрмөц шинжтэй байгаа нь илэрэв. Харин Монгол орны хоёр үрийн талт ургамлын 33 овгийн 138 төрөл голлосон үндэстэй бөгөөд Asteraceae (85), Fabaceae (78), Brassicaceae (43), Apiaceae (33), Caryophyllaceae (32) зэрэг овгууд нилээд олон зүйлтэй байна.
2. 2009-2010 онд зарим загвар ургамлын усан солилцоо, фотосинтезийн хээрийн судалгааг 6-р сараас 9-р сар хүртэл хугацаанд хугацаанд хийж тухайн үзүүлэлт бүрийн өдөр, улирлын хөдлөлзүйг судлахын зэрэгцээ голлосон үндэсний хоёрдогч ксилемын хөгжил, өсөлтийн дээж авч Санкт-Петербургын Ботаникийн хүрээлэнгийн фотосинтезийн экологийн лабораторид орчин үеийн нарийн багажаар тодорхойлохоор явуулсан болно.
Түүний зэрэгцээ Монгол орны ургамлан аймгийн тойргуудаар голлосон үндэст ургамлын тархалтын зүй тогтолыг гаргаж үзэхэд тухайн нутгийн ургамал аймгийн баялаг байдлаас хамаарч өөр өөр байгаа бөгөөд нилээд зүйлтэй нь Монгол Алтай -226,Хангай-212 тойргууд цөөн зүйлтэй нь Монгол орны өмнө хэсэг буюу Алашаа Гоби – 33, Алтайн өвөр Говь – 41, Зүүнгарын говь – 57 зүйлтэй болох нь тогтоогдов.