Фуллеренээр чанаржсан металлыг гарган авах ба түүний цахилгаан тензоцахилгаан чанарын судалгаа
Салбар : Байгалийн шинжлэх ухаан
Төслийн дугаар :
Төслийн төрөл : Хамтарсан төсөл
Хугацаа: 2011-2012
Санхүүжилт: 6,000.0 мян.төг
Түлхүүр үг : Деформац, тензомэдрэмж, фуллерен, нанохоолой
Үр дүн
1.Металл нимгэн утсаар үйлдсэн тензорезисторын тензомэдрэмж γ=2.1-2.4 , нимгэн металл хальсан тензорезисторын тензомэдрэмж зузаанаасаа хамаарч γ=12-20 хүрдэг.
2.Фуллеренээр чанаржуулсан зэс , алт , титанаар үйлдсэн нимгэн хальсны тензомэдрэмж γ=100-120 хүрдэгийг бидний хамтарсан судалгааны үр дүн харуулж байна.
3.Фуллеренээр чанаржсан металлын нимгэн хальсны тензомэдрэмж γ сенсорын элемент болох дээжийн доторх металлын атом ба фуллерены молекулын тоон харьцаа Nме/NC60-аас хамаарах бөгөөд Nме/NС60=80 байх дээжид хамгийн их байна.
4.Фуллеренээр чанаржсан металлын нимгэн хальсны тензомэдрэмж нимгэн хальсны зузаанаас хамаарах бөгөөд нимгэн хальсны зузаан d=(400-5)нм хүртэл өөрчлөгдөхөд тензомэдрэмж γ=3.4-122 хүртэл өсч байв.
5.Фуллеренээр чанаржсан металлын нимгэн хальсны эсэргүүцэл хувьсах гүйдлийн давтамжаас хамаарч хүчтэй өөрчлөгдөх ба (1-20кГц)- ийн мужид огцом өссөнөө давтамжыг цааш 160 кГц хүртэл өсгөхөд аажуу буурч байна. Гэхдээ энэ хамаарлын эсэргүүцэл огцом өсөх ба аажуу буурах давтамжын муж Nме/NС60-ийн харьцаанаас хамаарч өөр өөр байна.
6.Фуллеренээр чанаржсан металлын нимгэн хальсны алдагдалын тангенс өнцөг хувьсах гүйдлийн давтамж өсөхөд сөрөг утгатай болж байгаа нь түүний дамжиц багтаамжийн шинжтэй болж байгааг харуулна.
7. Фуллеренээр чанаржсан титаны нимгэн хальсны доторх фуллерены хувийг ихэсгэхэд түүний багтаамжийн эсэргүүцлийн хувь багасгахын хамт тензомэдрэмж бас даган буурна. Харин цаашид дээжийн доторх фуллерены хувийг ихэсгэхэд дээжийн дамжиц индукцын шинжтэй болохыг ажиглалаа.
8.Дээр дурьдсан үр дүнгээс үзвэл металл утас ба нимгэн хальсны оронд фуллеренээр чанаржсан металлыг сенсорын идэвхтэй элемент болгон ашиглах нь хэт ирээдүйтэй ажээ.